گلوبل سُپر اسٹار دلجیت دوسانجھ نے ایک بار پھر پاکستانیوں کو سوشل میڈیا پر خوشگوار حیرت میں ڈال دیا۔

 بھارت کے مشہور پنجابی سنگر، اداکار اور پرفارمر دلجیت دوسانجھ نے پاکستان کی مشہور انفلوئنسر ندا رحمٰن کی اسٹوری کو اپنی انسٹاگرام اسٹوری پر شیئر کرکے سب کو حیران کر دیا۔

 انسٹاگرام انفولینسر ندا رحمٰن ( @nidarehmannn ) پاکستان کی ایک مقبول ترین سوشل میڈیا انفلوئنسر ہیں۔

کیا دلجیت دوسانجھ چیمپئنز ٹرافی کیلئے پاکستان آرہے ہیں؟

مداح اپنے پسندیدہ گلوکار کی جانب سے پاکستان آنے کی بات سن کر بے حد پرجوش۔

ان کی منفرد اور مزاحیہ ویڈیوز خاص طور پر ان کی والدہ، طلعت خٹک عرف ماما رحمٰن کے ساتھ بنائے گئے کلپس پاکستانی گھروں کے عام لمحات کو مزاح کے انداز میں پیش کرتے ہیں، جنہیں ہر کوئی فیل کر سکتا ہے۔

ندا کے انسٹاگرام پر اس وقت 6 لاکھ سے زائد فالوورز ہیں، جبکہ ان کے ویڈیوز اکثر ملین ویوز حاصل کرتے ہیں۔

 یکم اپریل کو ندا رحمٰن نے اپنی والدہ کے ساتھ دلجیت دوسانجھ کے خوبصورت گانے 'نينا' پر ایک ریل پوسٹ کی۔ 

اس ویڈیو میں دونوں ماں بیٹی گانے پر خوشی سے جھومتی ہوئی نظر آئیں اور دیکھتے ہی دیکھتے اس ویڈیو نے انسٹاگرام پر لاکھوں ویوز حاصل کر لیے، اس ویڈیو نے نہ صرف عوام کو متاثر کیا، بلکہ خود دلجیت دوسانجھ نے بھی اسے دیکھا اور پسند کیا

ندا نے بھی فوراً اپنے اسٹوری پر دلجیت کی ری پوسٹ کو شیئر کیا  جو کراس بارڈر ایک دل کو چھو لینے والا لمحہ تھا اسی لیے یہ انٹرنیٹ پر چھا گیا۔

دلجیت دوسانجھ کے کانسرٹ میں پاکستانی سلیبریٹیز کے جلوے

دلومیناتی کانسرٹ چیپٹر ابوظہبی میں پاکستانی فنکاروں کی شرکت

ندا رحمٰن صرف انسٹاگرام ہی نہیں بلکہ TikTok پر بھی لاکھوں دلوں کی دھڑکن ہیں۔ ان کی اسٹوری ٹیلنگ، فیملی وی لاگز، اور دیسی مزاحیہ انداز انہیں منفرد بناتا ہے۔ ان کی والدہ 'ماما رحمٰن' کے ساتھ ان کے مکالمے پاکستانی خواتین کے لیے ایک زبردست تفریح کا ذریعہ بن چکے ہیں۔

ندا رحمٰن اور ان جیسی کانٹینٹ کریئیٹرز آج کی دنیا میں پاکستان کی نرم طاقت ہیں  جو کلچر، مزاح اور فیملی ویلیوز کو خوبصورتی سے دنیا بھر تک پہنچا رہی ہیں۔