پاکستانی معروف اداکار ، اسکرین رائٹر و ٹی وی شو ہوسٹ یاسر حسین کا تھیٹر پلے 'منکی بزنس' میں بھارتی مواد شامل کرنے کے سبب تنقید کی زد میں آگیا۔

'منکی بزنس' اس وقت آرٹس کونسل کراچی میں 5 اپریل سے 20 اپریل تک پیش کیا جا رہا ہے۔ اس ڈرامے کی پروڈکشن 'انکارپوریٹ ڈیجیٹل اور لوئیک فلمز' نے کی ہے۔ 

یاسر حسین نے دوسرے بچے کی پیدائش پر خاموشی توڑ دی

دیوا کے ہاتھ میں ہو تو کل ہوجائے دوسرا بچہ، یاسر حسین

اس تھیٹر  پلے کے مرکزی کردار یاسر حسین اور عمر عالم ہیں جو منفرد گیٹ اپس میں بھی نظر آئے۔ 

شو کے پہلے روز متعدد مشہور شخصیات نے شرکت کی جن میں اقرا عزیز، صبور علی، علی انصاری، اعجاز اسلم، فیصل قریشی اور دیگر شامل ہیں، یہ کہنا بھی غلط نہ ہوگا کہ آرٹس کانسل سیلیبریٹیز سے ہی بھرا ہوا تھا۔

'منکی بزنس' کے متعدد ویڈیو کلپس سوشل میڈیا پر وائرل ہو رہے ہیں جن میں سے زیادہ تر سیلیبریٹیز کی آمد کے ہیں جبکہ بعض تھیٹر کے دوران لیے گئے ہیں۔ 

اس ڈرامے میں یاسر حسین اور عمر عالم خواتین کے لباس میں ملبوس ہو کر بالی وڈ کے گانے جیسے 'ساقی ساقی' اور 'سے شاوا شاوا' پر پرفارم کرتے بھی نظر آئے جس کی ویڈیوز نے سوشل میڈیا پر سب کی توجہ حاصل کرلی۔ 

سوشل میڈیا صارفین یاسر حسین کے خلاف کمنٹس کرتے دکھ رہے ہیں اور زیادہ تر کا موقف ہے کہ یاسر حسین پاکستان میں بین الاقوامی فنکاروں اور پروجیکٹس پر پابندی لگانے کے حامی ہیں لیکن اپنے ڈراموں میں بالی وڈ گانوں کو فروغ دے رہے ہیں۔ 

یاسر نے اقراء کی سالگرہ پر 'پیار' کے رنگ بکھیر دیے

پاکستانی معروف اداکار ، اسکرین رائٹر و ٹی وی شو ہوسٹ یاسر حسین نے اپنی اہلیہ و...

ایک سوشل میڈیا صارف نے لکھا کہ 'یاسر حسین سے اور کیا توقع کی جا سکتی ہے' ، ایک اور صارف نے لکھا کہ 'یاسر خود تو بھارتی مواد پر تنقید کرتے ہیں لیکن اپنی نجی محفلوں اور ڈراموں میں بھارتی گانوں، ثقافت اور مواد کو فروغ دیتے ہیں، یہ یاسر حسین اور ان جیسے لوگوں کی منافقت ہے۔' 

ایک اور صارف نے لکھا کہ 'یہ بدقسمتی ہے کہ اتنے بڑے دعوے کرنے والے مسلمان اسی طرح مر جائیں گے، رقص کرتے ہوئے۔' 

ایک اور صارف نے لکھا کہ 'پاکستانیوں کو صرف اچھے ڈرامے بنانا آتا ہے، انہیں اسی میں رہنا چاہیے۔'