پاکستان کی قومی ایئرلائن (پی آئی اے) نے دہائیوں سے زائد عرصے کے بعد، اب پہلی بار منافع حاصل کر کے تاریخ رقم کر دی ہے۔

2003 سے اب تک مسلسل خسارے میں چلنے والی پی آئی اے اب 5.01 روپے فی شیئر کا منافع کما چکی ہے۔

’باکمال لوگوں‘ کی ایئرلائنPIA پاکستان کے سر کا تاج کیسے بنی؟

پی آئی اے صرف پاکستان ہی کی نہیں بلکہ وہ خطے بہترین ایئر ‏لائن تھی۔

یہ خبر حیران کن بھی ہے اور دلچسپ بھی کیونکہ یہ اعلان ایسے وقت پر آیا ہے کہ جب حکومت پی آئی اے کو فروخت کرنے کی تیاری کے فائنل مرحلے میں ہے۔

2003 کے بعد سے پی آئی اے نے مسلسل مالی بحران کا سامنا کیا۔ بدانتظامی، کرپشن، غیرضروری بھرتیاں اور پرانے جہازوں کی دیکھ بھال ، یہ سب کچھ ادارے کو خسارے میں دھکیلتا رہا۔

لیکن اب اچانک، آڈٹ شدہ فنانشل رپورٹس میں منافع؟ یہ سوال جنم دیتا ہے کہ کیا یہ اصل میں ادارے کی کارکردگی کا ثمر ہے؟ یا صرف نجکاری کو خوشنما دکھانے کی کوشش؟

پی آئی اے کی پروازوں میں ویڈیو، فوٹوز بنانے پر پابندی

پابندی کی خلاف ورزی کرنیوالوں کیخلاف کارروائی کی جائے گی۔

بین الاقوامی ادارے بلومبرگ کو موصول ہونے والی فائنانشل رپورٹ کے مطابق پی آئی اے نے دسمبر میں ختم ہونے والے مالی سال میں منافع ریکارڈ کیا جو بورڈ کی منظوری کے بعد عوامی سطح پر شیئر کیا جائے گا۔

لیکن دلچسپ بات یہ ہے کہپی آئی اے کے ترجمان نے تاحال اس پر کوئی تبصرہ نہیں کیا۔یعنی سب کچھ ابھی بھی 'غیر رسمی' سطح پر چل رہا ہے۔

پی آئی اے کو یورپ میں فلائٹ آپریشن کی اجازت مل گئی

پی آئی اے پر 2020 میں یورپ میں فلائٹ آپریشن پر پابندی لگائی گئی تھی۔

پاکستان کی حکومت پی آئی اے کو نجی شعبے کو فروخت کرنے کے لیے سرگرم ہے۔ایسی صورت میں کسی ادارے کو منافع بخش ظاہر کرنا کیا فروخت کی قیمت بڑھانے کی کوشش تو نہیں؟

یہ سوال اہم ہے کیونکہ جب کوئی ادارہ فروخت کے قریب ہوتا ہے تو اس کی مالی حالت کو بہتر دکھانا سرمایہ کاروں کو لبھانے کے لیے کیا جاتا ہے۔

اس تاریخی کامیابی پر وزیر اعظم شہباز شریف نے سماجی رابطوں کی ویب سائٹ پر جاری پیغام میں  پی آئی اے کی ٹیم کی محنت اور وزیر دفاع خواجہ آصف کی قیادت کو سراہا ہے۔​

 

وزیر اعظم شہباز شریف نے لکھا کہ ’اللہ کا شکر ہے! پی آئی اے نے 20 سال بعد منافع حاصل کیا ہے۔ یہ خواجہ آصف اور پوری ٹیم کی محنت کا نتیجہ ہے۔ انشاءاللہ مستقبل روشن ہے۔‘