بالی وڈ کے نامور اداکار سلمان خان کی حالیہ ریلیز ہونے والی فلم ‘سکندر‘ نے تمام تر تنقید کے باوجود باکس آفس پر شاندار کارکردگی کا مظاہرہ کرتے ہوئے 200 کروڑ بھارتی روپے کا سنگِ میل عبور کر لیا۔

عید الفطر کے موقع پر ریلیز ہونے والی اس فلم کو روایتی طور پر سلمان خان کے مداحوں کی جانب سے بھرپور پذیرائی کی توقع تھی، تاہم ابتدا میں فلم کو ناقدین اور شائقین کی جانب سے خاصی تنقید کا سامنا کرنا پڑا۔

 بیشتر افراد نے فلم کی کہانی، اسکرپٹ اور خود سلمان خان کی اداکاری کو تنقیدی نگاہوں سے دیکھا اور سوشل میڈیا پر من mixed reviews دیے گئے۔

’سکندر’ نے 100 کروڑ کا ہندسہ عبور کر لیا

فلم کا بجٹ تقریباً 200 کروڑ روپے ہے

اس کے باوجود فلم نے عالمی سطح پر اپنی ریلیز کے صرف 9 دنوں میں 200.93 کروڑ روپے کا بزنس کر کے ایک بار پھر یہ ثابت کیا کہ سلمان خان کا سحر آج بھی برقرار ہے۔ 

فلم کے پروڈیوسر ساجد نڈیاڈوالا نے اس شاندار کامیابی کا اعلان انسٹاگرام پر ایک خصوصی پوسٹ کے ذریعے کیا جس میں انہوں نے شائقین کی محبت اور حمایت کا شکریہ ادا کیا۔

پروڈیوسر نے اپنی پوسٹ میں لکھا کہ‘ آپ کی محبت اور تعاون کا شکریہ، آپ نے ’سکندر‘ کو اپنے جشن کا حصہ بنایا، ہم دل سے مشکور ہیں۔‘

 فلم نے بھارت میں اب تک 123 کروڑ روپے جب کہ بیرونِ ملک 77 کروڑ روپے کا بزنس کیا ہے۔ صرف پیر کے دن ہی فلم نے ہندوستان میں 2.48 کروڑ اور اوورسیز مارکیٹ میں 1 کروڑ روپے کا اضافہ کیا۔

’سکندر‘ نام بالی وڈ فلموں کی کامیابی کی ضمانت؟

'مقدر کا سکندر' سے لیکر گزشتہ روز ریلیز ہونے والی فلم 'سکندر' اس کی عمدہ مثالیں ہیں

سلمان خان کے مداح اس کامیابی پر بے حد خوش ہیں اور سوشل میڈیا پر فلم کے حق میں پرجوش تبصرے جاری ہیں۔ 

فلم کی کامیابی نے ایک بار پھر یہ ثابت کر دیا ہے کہ اسٹار پاور اور فین بیس باکس آفس پر اہم کردار ادا کرتے ہیں، چاہے تنقید کتنی ہی شدید کیوں نہ ہو۔