پاکستان کی مرکزی انٹیلی جنس ایجنسی نے دہشت گردی کی ایک بڑی سازش کو ناکام بنا دیا ہے جس کا مقصد کراچی میں پاک فضائیہ کے زیر انتظام مسرور ائیر بیس پر خطرناک حملہ کرنا تھا۔

حکام کے مطابق اس منصوبے کا ماسٹر مائنڈ افغانستان میں مقیم دہشت گرد گروپ فتنہ الخوارج کا ایک کمانڈر ہے جو خطرناک خودکش بمباروں کی قیادت کرتا ہے۔

تربت میں نیول ایئربیس پر حملہ ناکام، 4 دہشت گرد ہلاک

فائرنگ کے تبادلے میں ایف سی اہلکار شہید ہوگیا۔

اس سازش میں 5 افغان شہریوں سمیت 9 انتہائی تربیت یافتہ دہشت گرد شامل تھے، جن کی قیادت فتنہ الخوارج کے ایک ہائی پروفائل کمانڈر کے پاس ہے جو پہلے ہی دہشت گردی کے کئی مقدمات میں مطلوب ہے۔ 

رپورٹ کے مطابق یہ دہشت گرد حال ہی میں دراندازی کرکے افغانستان سے پاکستان میں داخل ہوئے تھے۔

اطلاعات ہیں کہ یہ لوگ ایک طے شدہ مقام پر ائیربیس میں دراندازی کرکے داخل ہونے، اس پر قبضہ کرنے، طیاروں اور انفراسٹرکچر کو تباہ کرنے اور ائیربیس کو زیادہ سے زیادہ دیر تک اپنے قبضے میں رکھ کر لڑائی کا ارادہ رکھتے تھے۔

یہ آپریشن مبینہ طور پر افغانستان میں مقیم فتنہ الخوارج کی اعلیٰ قیادت کی براہ راست نگرانی میں کیا گیا تھا اور اس میں تقریباً 13 ماہ کی منصوبہ بندی شامل تھی۔ 

بڑی کارروائی، پاک آرمی نے 4 دہشت گرد مار ڈالے

شمالی وزیرستان میں سکیورٹی فورسز نے آپریشن میں ہائی ویلیو ٹارگٹ دہشت گرد سرغہ...

دہشتگردوں نے ائیربیس کے قریب رہائش اختیار کر رکھی تھی اور علاقے کی وسیع پیمانے پر جانچ پڑتال (ریکی) کی تھی، تاہم انٹیلی جنس ایجنسی ان کی نقل و حرکت پر کڑی نظر رکھے ہوئے تھی۔

 جب حملہ آور اپنی سازش کا آخری مرحلہ شروع کرنے والے تھے، ایجنسی نے پاکستان بھر میں ایک تیز، خفیہ اور مربوط آپریشن شروع کرتے ہوئے مختلف مقامات سے مشتبہ افراد کو گرفتار کرلیا۔

موجودہ آپریشن میں پکڑے گئے اسی فتنہ الخوارج کمانڈر کے بارے میں خیال کیا جاتا ہے کہ وہ افغانستان فرار ہونے سے پہلے کراچی سائٹ میں ہونے والے حملے کا بھی ماسٹر مائنڈ تھا۔

حکام کی رائے ہے کہ یہ ماسٹر مائنڈ بارودی سرنگوں (آئی ای ڈیز) کا ماہر ہے جس نے افغانستان میں تربیت حاصل کی اور نیٹو اور اتحادی افواج کے ساتھ لڑائی کے دوران افغان طالبان کے ساتھ مل کر لڑتا تھا۔

بی ایل اے کا دہشت گرد حملہ ناکام، پاک آرمی کے 2 جوان شہید

گوادر میں سکیورٹی فورسز نے پورٹ اتھارٹی کالونی میں دہشت گرد حملہ ناکام بناتے ہوئے...

ابتدائی تحقیقات میں اس واقعے میں دشمن انٹیلی جنس ایجنسیوں کے ملوث ہونے کا اشارہ ملتا ہے جو مبینہ طور پر پاکستان کو غیر مستحکم کرنے کی کوشش میں دہشت گرد عناصر کی مالی معاونت اور آلات فراہم کر رہی ہیں۔