ہالی ووڈ کی مقبول ترین ایکشن سیریز مشن امپاسیبل کے نئے باب ‘دی فائنل ریکوننگ‘ کا شاندار اور دھماکا خیز ٹریلر جاری کر دیا گیا ہے، جس کے ساتھ ہی فلم کی ریلیز کی تاریخ بھی منظر عام پر آ گئی ہے۔

2 منٹ سے زائد دورانیے پر مشتمل اس ٹریلر میں ہائی اوکٹین ایکشن، فلم کی سابقہ اقساط کی جھلکیاں، اور عالمی شہرت یافتہ اداکار ٹام کروز کے حیرت انگیز اور جان جوکھم میں ڈالنے والے اسٹنٹس شامل کیے گئے ہیں، جنہوں نے مداحوں کو ایک بار پھر محوِ حیرت کر دیا ہے۔

ٹریلر کا آغاز ایک دل دہلا دینے والے منظر سے ہوتا ہے، جہاں ایتھن ہنٹ (ٹام کروز) ایک تیز رفتار طیارے سے لٹکے ہوئے دکھائی دیتے ہیں، جب کہ پس منظر میں ایک پراسرار آواز سنائی دیتی ہے جو یہ کہتی ہے کہ،‘ یہ سب کچھ حقیقت نہیں ہو سکتا۔‘

ہالی وڈ کی 'گوڈزیلا' سے انسپائرڈ کارتک کی اگلی فلم کونسی؟

کرن جوہر کی پروڈکشن میں بننے والی ناگزیلا کا ستمبر میں فلور پر جانے کا امکان ہے۔

اس کے بعد فلم کی سابقہ اقساط سے یادگار اور سنسنی خیز مناظر پیش کیے گئے ہیں، جن میں ایتھن ہنٹ کے مشہور زمانہ ایکشن مناظر شامل ہیں۔ نئی فلم میں ایک نیا اور خطرناک عنصر بھی متعارف کروایا گیا ہے جو مصنوعی ذہانت (AI) جسے دی اینٹٹی کا نام دیا گیا ہے۔ یہ AI پوری دنیا کے لیے ایک سنگین خطرہ بن چکی ہے، اور اب ایتھن ہنٹ اور اس کی ٹیم کو ایک بار پھر دنیا کو بچانے کے مشن پر نکلنا ہوگا۔

فلم کا نیا پہلو سائنس فکشن کی جھلک کے ساتھ ایک اور سطح پر لے جایا گیا ہے، جو کہ شائقین کے لیے مزید تجسس اور کشش کا باعث بنے گا۔ ایتھن ہنٹ اپنی ٹیم کو مخاطب کرتے ہوئے کہتا ہے کہ،‘اس بار، بس ایک آخری بار مجھ پر بھروسہ کرو۔‘

یہ ایکشن، سسپنس اور جدید ٹیکنالوجی سے بھرپور فلم 23 مئی کو دنیا بھر میں سنیما گھروں میں ریلیز کی جائے گی، اور شائقین ایک بار پھر فلمی دنیا کی سب سے بڑے ایکشن ہیرو کے ہمراہ ایک ناقابلِ فراموش سفر پر روانہ ہوں گے۔