تنازعات میں گہرے رہنے والے پاکستانی یوٹیوبر رجب بٹ کا اپنی والدہ کا ٹیٹو بنوانا اور اس پر  گمراہ کن بیانات دینے پر انٹرنیٹ صارفین تعیش میں آگئے۔

رجب بٹ ان دنوں توہینِ مذہب کے الزامات کا سامنا کر رہے ہیں جسکے باعث انہوں نے پاکستان چھوڑنے کا فیصلہ لیتے ہوئے بیرون ملک سکونت اختیار کرلی ہے۔

 حال ہی میں وہ اپنی عالیشان شادی پھر پولیس کیسز، جھگڑوں اور اپنے پرفیوم "295"کی لانچنگ کے بعد مشکلات کی زد میں ہیں جسکے بعد وہ  اس وقت دبئی میں موجود ہیں اور وہیں سے ویلاگز کے ذریعے اپنے فینز کےساتھ جڑے ہوئے ہیں۔

میں ڈر گیا ہوں، اب پاکستان میں نہیں ہوں، رجب بٹ

رجب بٹ نے پاکستان چھوڑنے کی وجہ بتادی

حال ہی میں یوٹیوبر نے اپنے چینل پر ایک ویلاگ شیئر کیا جس میں انہیں اپنی والدہ کی تصویر کو اپنے بازو پر مستقل طور پر ’ٹیٹو’ کی شکل میں نقش کرواتے دیکھا گیا۔

 ان کا کہنا ہے کہ وہ اپنی ماں سے بےحد محبت کرتے ہیں اور ہمیشہ چاہتے تھے کہ ان کی تصویر ان کے جسم پر موجود ہو۔ یہ ان کی زندگی کا دوسرا ٹیٹو ہوگا۔اور نہ صرف ٹیٹو کی باقاعدہ ویلاگ شیئر کیا بلکہ اسکے بعد گمراہ کن بیان دے کر اپنے فینز کو ورطہ حیرت میں مبتلا کردیا۔

ویلاگ کے 26 منٹ والے کلپ میں رجب بٹ کو ٹیٹو بنوانے کیلئے شرٹ اتارتے دیکھا گیا جسکے بعد ٹیٹو کا ڈیزائن پرنٹ ہو کر آیا اور رجب بٹ کے کلائی پر نقش ہوگیا۔اس دوران رجب بٹ کیساتھ ٹک ٹاکر ندیم نانی والا بھی موجود تھے ۔

دوران ٹیٹو رجب بٹ نے اپنی والدہ سے اظہار محبت کا ثبوت دیتے ہوئے بتایا کہ میں نے اپنی والدہ سے زیادہ کسی سے پیار نہیں کیا، ساتھ ہی رجب بٹ نے ٹیٹو بنوانے سے قبل علماء کرام سے اسکے جائر ہونے کی ثبوت بھی پیش کیا۔

علماء کرام سے ہونے والے  سوال جواب  کےمطابق علمائے کرام نے انہیں اجازت دی ہے کہ وہ ٹیٹو بنوا سکتے ہیں، اور ان کی ماں سے محبت نے انہیں یہ قدم اٹھانے پر مجبور کیا۔ تاہم انہوں نے عوام کو مشورہ دیا کہ اگر وہ اسے اسلام میں جائز نہیں سمجھتے تو انہیں ہرگز ان کی پیروی نہیں کرنی چاہیے۔

دوسری جانب انٹرنیٹ صارفین نے رجب بٹ پر گمراہ کن بیانات دینے پر شدید تنقید کی، اور کہا کہ وہ دین کے حوالے سے غیر ذمہ دارانہ باتیں کرکے لوگوں کو غلط سمت میں لے جا رہے ہیں۔ 

یہی وجہ تھی کہ انٹرنیٹ صارفین ایک بار پھر یوٹیوبر پر برس پڑے  صارفین کا کہنا ہے کہ ٹیٹو بنوانا حرام ہے اور رجب بٹ  کو ایسی حرکتوں سے باز آنا چاہیے۔

رجب بٹ اور دوستوں کی وہیل چیئر پر ’سعی’ تنقید کا شکار

سوشل میڈیا صارفین کے متضاد تبصرے غم و غصے کا عندیہ دے گئے

ساتھ ہی کئی صارفین ایسے بھی تھے جنہوں نے رجب بٹ کو مشورہ دیا کہ وہ فی الحال سوشل میڈیا سے دوری اختیار کریں اور خود کو خاموشی میں رکھیں۔

ایک صارف نے لکھا کہ،’ماں سے محبت بہت عظیم بات ہے، لیکن جسم پر ان کی تصویر کا ٹیٹو بنوانا محبت کا اظہار نہیں بلکہ دینی حدود سے تجاوز ہے۔

ایک اور صارف کا کہنا تھا کہ،‘اگر آپ دین کی بات کرتے ہیں تو عمل میں بھی دکھانا پڑتا ہے۔ یہ سب دکھاوا لگتا ہے۔’