دنیا کے معروف ماہر فلکیات اور ٹی وی شو کوسموس کے میزبان کارل سیگن نے زمین کو خلا سے دیکھتے ہوئے ‘پیل بلیو ڈاٹ‘ (Pale Blue Dot) کا نام دیا تھا۔ یہ وہ مشہور تصویر تھی جو ناسا کے خلائی مشن وائجر 1 نے خلا کی وسعتوں سے لی تھی۔ تاہم، حالیہ سائنسی تحقیق نے اس تصور کو ایک نئے زاویے سے دیکھنے کی بنیاد فراہم کی ہے۔

بین الاقوامی سائنسی جریدے ’نیچر‘ میں شائع ہونے والی تازہ تحقیق کے مطابق، زمین آج سے تقریباً 2.4 ارب سال قبل، آرکین دور میں، نیلی کے بجائے سبز دکھائی دیتی تھی۔

زمین کی ابتدائی سبز رنگت کی سائنسی بنیاد

تحقیق کے مطابق اُس زمانے میں زمین کی فضا میں آکسیجن موجود نہیں تھی، اور آتش فشانی سرگرمیوں کے نتیجے میں سمندروں میں بڑی مقدار میں فیروس آئرن (Ferrous Iron) شامل ہوتا تھا۔ آکسیجن کی غیر موجودگی میں یہ آئرن پانی میں حل شدہ حالت میں موجود رہتا، جو پانی کے رنگ کو متاثر کرتا۔

ہارورڈ کے سائنسدان نے ریاضی کے فارمولے سے خدا کا وجود ثابت کردیا

یہ فارمولا سائنس اور مذہب کے درمیان تقسیم کو ختم کرنے کا حل پیش کرسکتا ہے، ڈاکٹر...

بعد ازاں، جب ابتدائی خردبینی جانداروں، خاص طور پر سائانوبیکٹیریا (Cyanobacteria) نے فوٹوسنتھیسس کے عمل کے ذریعے آکسیجن پیدا کرنا شروع کی، تو پانی میں موجود فیروس آئرن آکسیجن سے تعامل کرکے فیرک آئرن (Ferric Iron) میں تبدیل ہونے لگا۔ یہ نیا مرکب پانی میں حل نہیں ہوتا اور زنگ کی صورت اختیار کر لیتا ہے، جو روشنی کو مختلف انداز میں جذب کرتا ہے۔

تجرباتی ثبوت

سائنسدانوں نے جدید دور کے سائانوبیکٹیریا کو جینیاتی طور پر اس طرح تبدیل کیا کہ وہ سبز روشنی جذب کرنے والا مخصوص رنگ فائکوریتھروبیلن (Phycouerythrobilin) استعمال کریں۔ نتائج سے پتا چلا کہ یہ جاندار سبز روشنی میں نہایت مؤثر انداز میں نشوونما پاتے ہیں۔

سائنسدان 'سپر آلو' بنانے کیلئے کوشاں

سپر آلو کس کام آئے گا؟

مزید تجربات سے یہ بھی معلوم ہوا کہ سمندر کی گہرائی میں 5 سے 20 میٹر تک یہ سبز روشنی بآسانی پہنچتی تھی، جو زمین کو خلا سے سبز رنگ میں دکھانے کے تصور کو تقویت دیتی ہے۔

’پیل گرین ڈاٹ‘ ،زمین کا ایک نیا تصور

اس تحقیق سے یہ امکان ابھرتا ہے کہ اگر کسی دوسرے سیارے کی فضا یا سطح خلا سے سبز دکھائی دے، تو وہ کسی ایسی ابتدائی زندگی کی موجودگی کی علامت ہو سکتی ہے جو فوٹوسنتھیسس سے توانائی حاصل کرتی ہو۔

سائنسدانوں کا کہنا ہے کہ،‘ہماری تحقیق زمین پر ابتدائی زندگی کے رنگ کو ایک نئی روشنی میں پیش کرتی ہے، اور ہمیں کائنات میں زندگی کے امکانات تلاش کرنے کا ایک نیا زاویہ فراہم کرتی ہے۔‘