دنیا بھر میں مقبول سوشل میڈیا پلیٹ فارمز انسٹاگرام اور ٹک ٹاک کو پیچھے چھوڑتے ہوئے اوپن اے آئی کی چیٹ جی پی ٹی مارچ کے مہینے میں دنیا کی سب سے زیادہ ڈاؤن لوڈ کی گئی ایپ بن گئی۔

چیٹ جی پی ٹی کی مقبولیت میں یہ غیر معمولی اضافہ اس کے نئے تصویری تخلیق کے فیچر کے بعد دیکھنے میں آیا۔ 

چیٹ جی پی ٹی پر اپنی باربی ڈول بنانے کا طریقہ جان لیں

اے آئی باربی باکس چیلنج آج کل سوشل میڈیا پر مقبول ترین ٹرینڈ بنتا جارہا ہے

اس فیچر کی بدولت صارفین گیبلی انداز میں تصاویر بنا رہے ہیں، جس کا رجحان سوشل میڈیا پر وائرل ہو گیا، لاکھوں صارفین نے اس تجربے کے لیے ایپ کا رخ کیا اور یہی وجہ ہے کہ چیٹ جی پی ٹی نے ڈاؤن لوڈز کے تمام سابقہ ریکارڈز توڑ ڈالے۔

رپورٹ کے مطابق مارچ میں چیٹ جی پی ٹی کے 46 ملین یعنی چار کروڑ ساٹھ لاکھ ڈاؤن لوڈز ہوئے ،جو کہ معمولی فرق سے انسٹاگرام سے بھی زیادہ تھے۔

اگرچہ انسٹاگرام اور ٹک ٹاک دونوں نے بھی شاندار ڈاؤن لوڈ نمبرز حاصل کیے، مگر چیٹ جی پی ٹی نے انہیں پیچھے چھوڑ دیا۔

چیٹ جی پی ٹی کو مجموعی طور پر 46 ملین ڈاؤن لوڈز ملے، جن میں 13 ملین آئی او ایس پر اور 33 ملین اینڈرائیڈ پر ہوئے۔

انسٹاگرام کے بھی 46 ملین ڈاؤن لوڈز تھے لیکن اس کی تقسیم مختلف رہی، 5 ملین آئی او ایس پر اور 41 ملین اینڈرائیڈ پر، ٹک ٹاک نے 45 ملین ڈاؤن لوڈز حاصل کیے، جن میں 8 ملین آئی او ایس اور 37 ملین اینڈرائیڈ پر تھے۔

انسانوں کی طرح چیٹ جی پی ٹی بھی دباؤ اور اضطراب کا شکار

یہ صورت حال طبی شعبے میں ایک بڑا خطرہ بن سکتی ہے

چیٹ جی پی ٹی کی یہ شاندار پیش رفت ناقابلِ تردید ہے، فروری سے مارچ کے درمیان ایپ کے ڈاؤن لوڈز میں 28 فیصد اضافہ ہوا، جبکہ سالانہ بنیاد پر 2024 کی پہلی سہ ماہی کے مقابلے میں 2025 کی اسی مدت میں 148 فیصد کا زبردست اضافہ دیکھنے میں آیا۔

اوپن اے آئی کے چیف آپریٹنگ آفیسر بریڈ لائٹ کیپ نے حال ہی میں کچھ حیران کن اعداد و شمار شیئر کیے۔

 انہوں نے بتایا کہ چیٹ جی پی ٹی میں تصویر سازی کی خصوصیت شامل ہونے کے بعد صرف پہلے ہفتے میں 130 ملین 13 کروڑ صارفین نے 700 ملین 70 کروڑ سے زیادہ تصاویر بنائیں، یہ اعداد و شمار اس بات کا منہ بولتا ثبوت ہیں کہ یہ فیچر کتنی تیزی سے وائرل ہو چکا ہے۔