ساؤتھ انڈین اداکار اور سیاسی جماعت تملگا ویٹری کزگم (TVK) کے صدر تھلاپتی وجے نے سپریم کورٹ میں وقف (ترمیمی) ایکٹ 2025 کو چیلنج کردیا۔

اداکار ان بہت سے دیگر افراد میں شامل ہوگئے ہیں جنہوں نے جو عدالت عظمیٰ میں وقف ترمیمی ایکٹ کو چیلنج کرتے ہوئے درخواستیں دائر کی ہیں۔

ٹالی وڈ کا امیر ترین اداکار کون؟

فوربز نے 2025 میں سب سے زیادہ کمائی کرنے والے بھارتی اداکاروں کی فہرست جاری کی

ان درخواستوں میں مؤقف اختیار کیا گیا ہے کہ یہ قانون مسلم کمیونٹی کے ساتھ امتیازی سلوک کرتا ہے اور ان کے بنیادی حقوق کی خلاف ورزی کرتا ہے۔

وقف ایکٹ کے خلاف عدالت سے رجوع کرنے والوں میں آل انڈیا مجلس اتحاد المسلمین (اے آئی ایم آئی ایم) کے رکن پارلیمنٹ اسد الدین اویسی، کانگریس کے رکن پارلیمنٹ محمد جاوید اور عمران پرتاپ گڑھی، آپ ایم ایل اے امانت اللہ خان، اور آزاد سماج پارٹی کے سربراہ اور رکن پارلیمنٹ چندر شیکھر آزاد شامل ہیں۔

اس کے علاوہ آل انڈیا مسلم پرسنل لا بورڈ (اے آئی ایم پی ایل بی) نے بھی اس ایکٹ کو چیلنج کیا ہے، اور کہا ہے کہ اس نے پارلیمنٹ کی طرف سے منظور کردہ ترامیم پر 'من مانی، امتیازی اور اخراج پر مبنی' ہونے کی وجہ سے سخت اعتراض کیا ہے۔

تامل ناڈو کی حکمران جماعت ڈی ایم کے بھی قانونی چیلنج میں شامل ہو گئی ہے، جس کے رکن پارلیمنٹ اے راجہ، جو وقف بل پر مشترکہ پارلیمانی کمیٹی کے رکن تھے، نے سپریم کورٹ سے رجوع کیا ہے۔

مشہور بھارتی اداکار نے انڈسٹری چھوڑ کر سیاست جوائن کرلی

تھلا پتی وجے کا شمار سب سے زیادہ معاوضہ لینے والے اداکاروں میں ہوتا ہے

وقف ایکٹ کی حمایت میں بھی سپریم کورٹ میں مداخلت کی درخواستیں داخل کی گئی ہیں، جس میں کہا گیا ہے کہ یہ ترامیم ہندوستانی آئین کی اسکیم کے مطابق ہیں اور مسلم کمیونٹی کے کسی بھی رکن کے حق کی خلاف ورزی نہیں کی گئی ہے۔

بھارت کی مرکزی حکومت نے سپریم کورٹ میں ایک کیویٹ بھی داخل کیا ہے، جس میں نئے نافذ کردہ وقف ایکٹ کی آئینی جواز کو چیلنج کرنے والی عرضیوں پر کوئی حکم منظور کرنے سے پہلے سماعت کی درخواست کی گئی ہے۔

کسی فریق کی طرف سے ہائی کورٹس اور سپریم کورٹ میں کیویٹ اس لیے دائر کیا جاتا ہے تاکہ اس بات کو یقینی بنایا جا سکے کہ کوئی حکم سنے بغیر نہ دیا جائے۔

وقف ایکٹ کیا ہے؟

بھارت میں عبات گاہوں، خانقاہوں اور مسلمانوں کی فلاح و بہبود کے لیے اراضی اور املاک وقف کرنے کی روایت مسلمان حکمرانوں کے دور سے چلی آ رہی ہے۔

بھارت کی کونسی ریاستوں میں سب سے زیادہ مسلمان آباد؟

اسلام بھارت کا دوسرا سب سے بڑا مذہب ہے۔

بادشاہوں کے دور میں نہ صرف حکمراں بلکہ صاحب حیثیت اور مخیر لوگ مسجدوں، خانقاہوں، امام بارگاہوں اور دیگر امور کے مصارف اور دیکھ بھال کے لیے اپنی جائیدادوں کا کچھ حصہ وقف کیا کرتے تھے، نوابوں کے عہد میں یہ سلسلہ اور بھی بڑھ گیا تھا۔

مسلمان اپنی جائیدیدیں اور املاک خدا کی راہ میں وقف کرنے کو ایک انتہائی نیک اور ثواب کا عمل سمجھتے تھے، بیشتر قبرستان کی زمینیں، درگاہیں، خانقاہیں ، امام بارگاہیں، مساجد اور مدرسے مسلمانوں کی وقف کی گئی زمینوں پر تعمیر کیے گئے ہیں۔

مسلمان صرف مکان ہی نہیں اپنی زرعی زمینیں اور باغات وغیرہ بھی وقف کیا کرتے تھے۔ آزادی کے بعد بھی انڈیا میں یہ سلسہ جاری رہا۔

 اس قسم کی وقف کردہ جائیدادوں کی دیکھ بھال کے لیے وقف قانون بنایا گیا تھا جس کے تحت مختلف ریاستوں میں وقف بورڈ تشکیل دیے گئے تھے، ان میں حکومت کے نامزد ارکان کے علاوہ سرکردہ مسلم شحصیات، دانشور، مذہبی رہنما اور علما وغیرہ کو شامل کیا جاتا تھا، بورڈ کے کم وبیش سبھی ارکان مسلم ہی ہوتے تھے۔

بھارت میں مسلمانوں سے نفرت ایک فیشن بن گیا ہے، نصیر الدین شاہ

نصیر الدین شاہ نے مودی سرکار کو آڑے ہاتھوں لے لیا

وقف ایکٹ میں دو طرح کی جائیداد کا ذکر ہے۔ پہلا وقف اللہ کے نام پر ہے، یعنی ایسی جائیداد جو اللہ کے لیے وقف کی گئی ہو اور جس پر میراث کا کوئی حق باقی نہ ہو۔

وقف کی دوسری قسم میں ایسی وقف جائیداد ہے جس کی دیکھ بھال ورثا کریں گے۔

وقف کوئی بھی منقولہ یا غیر منقولہ جائیداد ہے جو کسی بھی شخص کی طرف سے اللہ کے نام پر یا مذہبی یا خیراتی مقاصد کے لیے عطیہ کی جاتی ہے۔

یہ جائیداد فلاح و بہبود کے لیے معاشرے کی ملکیت بن جاتی ہے اور اللہ کے سوا کوئی اس کا مالک نہیں ہے اور نہ ہی ہو سکتا ہے۔

وقف متنازع قانون کیا کہتا ہے؟

نئے قانون کے تحت وقف بورڈز کے لیے لازم ہوگا کہ وہ اپنی املاک کو ضلع کلکٹر کے پاس رجسٹر کرائیں گے تاکہ ان کی اصل قیمت اور حیثیت کا تعین کیا جا سکے۔

- نئے قانون کے مطابق صرف وہی شخص زمین عطیہ کر سکتا ہے جو مسلسل پانچ سال تک مسلمان رہا ہو اور عطیہ کی جانے والی جائیداد اس کی اپنی ملکیت ہو۔

مسلم دشمنی میں بھارتی حکومت تاریخ مسخ کرنے کے درپے

بھارتی حکومت مغل دور کا ذکر فراموش کرنا چاہتی ہے۔

نئے بل میں سروے کرانے کا حق وقف کمشنر کے بجائے کلکٹر کو دیا گیا ہے، اس کے وقف میں اس بات کو یقینی بنایا گیا ہو کہ وقف علی الاولاد کی صورت میں وراثت میں خواتین کی حق تلفی نہ کی گئی ہو۔

- اس قانون میں وقف بورڈ کے اختیارات سے متعلق سیکشن 40 کو ختم کرنے کی کوشش کی گئی ہے جس کے تحت بورڈ یہ فیصلہ کرتا ہے کہ آیا کوئی جائیداد وقف جائیداد ہے یا نہیں۔

یوں حکومت کے قبضے میں وقف املاک سے متعلق تنازع میں کلکٹر کا فیصلہ موثر مانا جائے گا۔ اس بل کے مطابق وقف ٹریبونل کے فیصلے کو حتمی نہیں سمجھا جائے گا۔

- اس بل میں متولیوں کی سرگرمیوں پر بہتر کنٹرول کے لیے انہیں وقف کے اکاؤنٹس بورڈ کو ایک مرکزی پورٹل کے ذریعے جوڑنے کی سہولت فراہم کرنے، دو ممبران پر مشتمل ڈھانچے کے ساتھ ٹریبونل میں اصلاحات کرنے اور ٹربیونل کے احکامات کے خلاف 90 دنوں کی مخصوص مدت کے اندر ہائی کورٹ میں اپیل کرنے کی سہولت فراہم کی گئی ہے۔

- اس قانون کے مطابق مختلف ریاستی بورڈز کی جانب سے دعوی کردہ متنازع زمینوں کی نئے سرے سے تصدیق بھی کی جائے گی۔

بھارت میں 600 سال پرانی مسجد شہید کر دی گئی

بھارت میں انتخابات سے قبل مودی حکومت کی مسلمان مخالف پالیسی عروج پر پہنچ گئی۔دہلی...

- اس قانون میں بوہرہ اور آغاخانی مسلمانوں کے لیے الگ سے وقف بورڈ کے قیام کا بھی التزام کیا گیا ہے۔

- ترمیمی قانون میں وقف بورڈ کی تشکیل میں تبدیلی کرتے ہوئے ان میں خواتین کی شمولیت کو یقینی بنانے کی بات کہی گئی ہے۔

مسلم رہنماؤں کا سوال ہے کہ مرکزی حکومت آزادی کے بعد 1951 میں بنے مدراس ہندو مذہبی اور خیراتی اوقاف ایکٹ کو چھوڑ کر صرف مسلم وقف بورڈ میں ہی ترمیم کیوں کرنا چاہتی ہے۔

وقف کے پاس کتنی اراضی ہے؟

بھارت کے سرکاری اعداد و شمار کے مطابق، وقف بورڈکے پاس تقریباً 9.4 لاکھ ایکڑ اراضی ہے۔

اگر اس کا موازنہ وزارت دفاع اور ریلوے سے کیا جائے تو وقف بورڈ ہندوستان میں تیسرا سب سے بڑا لینڈ بینک رکھتا ہے۔