شارٹ ویڈیو شیئرنگ پلیٹ فارم ٹک ٹاک نے صارفین کے لیے ایک نیا اور انقلابی فیچر ’ریویوز‘ متعارف کروا دیا ہے جس کا مقصد مقامات اور لوکیشنز سے متعلق معلومات کو ویڈیوز اور تصاویر کی شکل میں پیش کرنا ہے وہ بھی بالکل گوگل میپس کے انداز میں۔

ٹیکنالوجی ویب سائٹس کے مطابق، اس نئے فیچر کو ابتدائی طور پر منتخب صارفین کے لیے فعال کیا گیا ہے، تاہم آنے والے دنوں میں اسے مرحلہ وار دنیا بھر کے صارفین کے لیے دستیاب کر دیا جائے گا۔

فیچر کی خصوصیات:

سرچنگ کے دوران فعال ہوگا: 

جب کوئی صارف کسی مقام یا جگہ کو تلاش کرے گا تو ریویوز کا آپشن ظاہر ہوگا۔

بصری انداز میں معلومات: 

اس فیچر کے ذریعے متعلقہ مقام کی تصاویر اور ویڈیوز دکھائی جائیں گی۔

زیادہ مقبول مواد کو ترجیح:

 وہ ویڈیوز اور تصاویر پہلے دِکھائی جائیں گی جن پر صارفین کے کمنٹس اور ویوز کی تعداد زیادہ ہوگی۔

ٹک ٹاک نوٹس کا دی اینڈ

کمپنی اب اپنی دیگر ایپلیکیشنز اور سروسز پر توجہ مرکوز کرے گی

گوگل میپس کا متبادل: 

ٹک ٹاک کے اس اقدام کو گوگل میپس جیسی سروس کا آغاز قرار دیا جا رہا ہے، جس سے نوجوان صارفین براہ راست ویژوئل ریویوز کے ذریعے مقام کے بارے میں جان سکیں گے۔

ٹک ٹاک کا وژن:

دنیا بھر، خاص طور پر نوجوان صارفین اب مختلف شہروں، ممالک اور سیاحتی مقامات سے متعلق معلومات کے لیے ٹک ٹاک پر ہی انحصار کرنے لگے ہیں۔ ٹک ٹاک نے اس رجحان کو مدِنظر رکھتے ہوئے یہ فیچر متعارف کرایا ہے، جس کا مقصد صرف تفریح ہی نہیں بلکہ معلوماتی تلاش کے تجربے کو بھی بہتر بنانا ہے۔