بالی وڈ کی تاریخ میں کئی مشہور آن اسکرین جوڑیاں بنی اور ٹوٹ گئیں لیکن شاہ رخ خان اور کاجول کی جوڑی کو انڈسٹری اور مداحوں کے دلوں میں ایک الگ ہی مقام حاصل ہے۔

 اس جوڑی نے متعدد سپر ہٹ فلموں میں ایک ساتھ شاندار اداکاری کے جوہر دکھائے، جن میں دل والے دلہنیا لے جائیں گے، بازی گر، کرن ارجن، کچھ کچھ ہوتا ہے، کبھی خوشی کبھی غم، مائی نیم از خان اور دل والے جیسی کامیاب فلمیں شامل ہیں۔

50 سالہ کاجول کتنی امیر ہیں؟

کاجول کی سالانہ آمدنی 20 سے 25 کروڑ روپے تک ہے۔

1993 سے لے کر 2015 تک اس جوڑی نے کئی یادگار پراجیکٹس میں ایک ساتھ کام کیا، لیکن دلچسپ بات یہ ہے کہ ان کے درمیان کبھی بھی رومانوی تعلقات نہیں رہے۔

حالیہ دنوں سوشل میڈیا پر ایک پرانی ویڈیو گردش کر رہی ہے، جس میں شاہ رخ خان اور کاجول سے یہ سوال کیا جاتا ہے کہ اگر وہ دونوں اُس وقت سنگل ہوتے تو کیا ایک دوسرے کو ڈیٹ کرتے؟

اس سوال کے جواب میں کاجول نے ہنستے ہوئے کہا، ’مجھے نہیں معلوم، کیونکہ جب ہم نے صرف چھ ماہ میں بازی گر مکمل کی تو اس وقت میں اجے دیوگن کو دیکھ رہی تھی (یعنی ان کے تعلقات اجے دیوگن سے استوار ہوچکے تھے)۔‘

کاجول کے جواب پر شاہ رخ خان نے اپنے مخصوص مزاحیہ انداز میں کہا، ’میں بھی اُس وقت اجے کو دیکھ رہا تھا۔‘

کاجول کا فلم ’غدر‘ کی ‘سکینہ’ سے خاص رشتہ؟

اداکارہ نے یہ بھی تسلیم کیا کہ انہیں کئی دوسری فلموں کی پیشکش ہوئی تھی

یاد رہے کہ شاہ رخ خان نے فلمی کریئر کے عروج سے قبل ہی گوری خان سے طویل تعلق کے بعد شادی کرلی تھی، ان کے تین بچے ہیں جن میں آریان ، سہانا اور ابرام ہیں۔

دوسری جانب کاجول نے 1994 میں اداکار اجے دیوگن کو ڈیٹ کرنا شروع کیا اور 1999 میں ان سے شادی کی، ان کے دو بچے، نیسا اور یگ،ہیں۔

یہ جوڑی اگرچہ حقیقی زندگی میں ساتھ نہ ہوئی، لیکن ان کی اسکرین کیمسٹری آج بھی مداحوں کے دلوں میں زندہ ہے۔