پاکستانی متنازع یوٹیوبر رجب بٹ  اپنے دائیں بازو پر والدہ کے چہرے کا ٹیٹو بنوا کر سخت تنقید کی زد میں ہیں۔

رجب بٹ کو اپنی والدہ کا ٹیٹو بنوانا مہنگا پڑگیا

ٹیٹو کے بعد یوٹیوبر کا گمراہ کن بیان انہیں لے ڈوبا

آج کل دبئی میں مقیم رجب بٹ ایک بار پھر تنقید کی زد میں آ گئے، متعدد تنازعات کے بعد اب انہیں آدھی بازو کے برابر ٹیٹو بنوانے پر تنقید کا سامنا ہے۔

رجب بٹ کے نئے وی لاگز میں دیکھا جا سکتا ہے کہ انہوں نے اپنی دائیں بازو پر اپنی والدہ کے چہرے کا ٹیٹو بنوا رکھا ہے۔

یوٹیوبر رجب بٹ نے ٹیٹو بنوانے سے متعلق اپ لوڈ کیے گئے اپنے وی لاگ کے اختتام پر وضاحت دیتے ہوئے کہا تھا کہ میں نے یہ ٹیٹو اپنے مسلک (اہلِ تشیع) کے علمائے کرام سے اجازت لے کر بنوایا ہے، میرے علمائے کرام نے کہا تھا کہ یہ حرام نہیں ہے تو میں نے اتنا بڑا ٹیٹو بنوایا ہے۔

میں ڈر گیا ہوں، اب پاکستان میں نہیں ہوں، رجب بٹ

رجب بٹ نے پاکستان چھوڑنے کی وجہ بتادی

انہوں نے اپنے وی لاگ میں یہ بھی کہا تھا کہ میں اب اس ٹیٹو پر مزید کوئی نیا تنازع نہیں چاہتا، میں نے یہ ٹیٹو اپنی والدہ کی محبت میں بنوایا ہے، اگر آپ کے مسلک میں اس کی اجازت نہیں ہے تو آپ نہ بنوائیں۔

رجب بٹ کے ٹیٹو بنوانے پر صارفین ان سے نالاں نظر آ رہے ہیں، نیٹیزنز کا کہنا ہے کہ ٹیٹو گدوانا اسلام میں حرام ہے چاہے وہ کوئی بھی مسلک ہو۔

رجب بٹ نے سنجے دت کو بھی اپنا فین بنالیا

یہ مختصر کلپ سوشل میڈیا پر وائرل ہو گیا ہے

ایسے میں سوشل میڈیا پر رجب بٹ کے ایک فین پیج پر ویڈیو شیئر کی گئی ہے۔

اس ویڈیو میں ایک عالم کو کھال کے باہر ٹیٹو بنوانے کو حلال قرار دیتے ہوئے سنا جا سکتا ہے۔ عالم کا کہنا ہے کہ ہمارے یہاں اس کی اجازت ہے۔