بالی ووڈ کے معروف اداکار اجے دیوگن اور نامور اداکارہ کاجول کی بیٹی نیسا دیوگن آج اپنی 22ویں سالگرہ منا رہی ہیں۔

ایسے وقت میں جب اکثر فلمی ستاروں کے بچے شہرت اور گلیمر کی دنیا میں قدم رکھ رہے ہیں، نیسا نے ایک مختلف راستہ چنا ہے۔

وہ میڈیا کی نگاہوں سے دور رہ کر اپنی تعلیم پر بھرپور توجہ دے رہی ہیں اور خودمختار زندگی کی جانب گامزن ہیں۔

فلمی دنیا سے فاصلہ

نیسا دیوگن کے بالی وڈ ڈیبیو سے متعلق کاجول کا اہم بیان

کاجول نے بیٹی کے بالی وڈ ڈیبیو کے حوالے سے اہم انکشاف کردیا

اجے دیوگن اور کاجول جیسے بڑے اداکاروں کی بیٹی ہونے کے باوجود، نیسا نے اب تک بالی ووڈ میں قدم رکھنے کی کوئی سنجیدہ کوشش نہیں کی۔

وہ اکثر میڈیا کی نظروں سے اوجھل رہتی ہیں اور اپنی نجی زندگی کو سختی سے محفوظ رکھتی ہیں لیکن جب کبھی ان کی کوئی تصویر سوشل میڈیا پر وائرل ہو جاتی ہے تو وہ فوراً خبروں کا مرکز بن جاتی ہیں۔

تعلیمی سفر

نیسا نے اپنی ابتدائی تعلیم ممبئی کے ڈی ایس بی انٹرنیشنل اسکول سے حاصل کی۔ اس کے بعد انہوں نے سنگاپور کے یونائیٹڈ ورلڈ کالج آف ساؤتھ ایسٹ ایشیا میں اعلیٰ تعلیم حاصل کی۔

تازہ اطلاعات کے مطابق وہ لندن میں اعلیٰ تعلیم حاصل کر رہی ہیں، ان کا تعلیمی سفر اس بات کی گواہی دیتا ہے کہ وہ زندگی میں کچھ خاص حاصل کرنے کے لیے پُرعزم ہیں۔

بالی ووڈ میں دلچسپی؟

کاجول کی بیٹی کس معاملے میں ماں پر سبقت لے گئیں ؟

بھارتی معروف اداکارہ کاجول نے اپنی بڑی بیٹی نیسا کے میڈیا کو عظمت و وقار کے ساتھ...

اگرچہ نیسا نے فلموں میں کام کرنے کے حوالے سے کوئی باضابطہ بیان نہیں دیا، لیکن ان کے والد اجے دیوگن ایک انٹرویو میں کہہ چکے ہیں کہ اگر نیسا کو اداکاری میں دلچسپی ہوئی، تو وہ اس کی مکمل حمایت کریں گے، تاہم نیسا نے فی الحال کسی فلمی پروجیکٹ میں شامل ہونے کی تصدیق نہیں کی ہے۔

دوسری جانب ان کی والدہ کاجول نے حال ہی میں ایک نجی تقریب میں میڈیا سے گفتگو کے دوران اپنی بیٹی نیسا دیوگن کی فلم انڈسٹری میں انٹری کے حوالے سے جاری قیاس آرائیوں پر بات کرتے ہوئے کہا تھا کہ نیسا کا فی الحال اداکاری میں کریئر بنانے کا کوئی ارادہ نہیں ہے۔

کاجول کا کہنا تھا کہ 'مجھے لگتا ہے وہ 22 سال کی ہو گئی ہے اور اس نے اپنا ذہن بنا لیا ہے کہ وہ ابھی انڈسٹری میں قدم نہیں رکھے گی'۔

ڈیٹنگ کی افواہیں اور حقیقت

کاجول کی نئی تصویر نے انٹرنیٹ صارفین کو چکرا دیا

ہمیں لگا یہ تصویر اے آئی سے بنائی گئی ہے، سوشل میڈیا صارف

نیسا کے حوالے سے وقتاً فوقتاً ڈیٹنگ کی افواہیں بھی گردش میں رہتی ہیں، جنہیں لے کر انٹرنیٹ پر قیاس آرائیاں کی جاتی ہیں۔

لیکن چونکہ نیسا اپنی نجی زندگی کے بارے میں زیادہ بات نہیں کرتیں، اس لیے ان افواہوں کی تصدیق یا تردید نہیں ہوسکی۔

سوشل میڈیا پر موجودگی

نیسا دیوگن سوشل میڈیا پر باضابطہ طور پر موجود نہیں ہیں، لیکن ان کے دوستوں اور فین پیجز پر اکثر ان کی تصاویر گردش کرتی رہتی ہیں۔

ان تصاویر میں ان کا انداز، فیشن اور اسٹائل اکثر مداحوں کی توجہ کا مرکز بنا رہتا ہے۔