پاکستان شوبز انڈسٹری کی معروف اور سینئر اداکارہ ریشم نے وزیرِ اعلیٰ پنجاب مریم نواز شریف کی شخصیت کو نہایت دلکش اور متاثر کن قرار دیا۔

اداکارہ ریشم نے اپنے انسٹاگرام اکاؤنٹ پر مریم نواز کے ساتھ لی گئی تصاویر شیئر کیں، جو حال ہی میں منعقد ہونے والی پنجابی کلچر ڈے کی مرکزی تقریب کے دوران لی گئی تھیں۔ ان تصاویر کے ساتھ انہوں نے ایک پُراثر کیپشن لکھا جس میں مریم نواز سے ملاقات کو ایک یادگار لمحہ قرار دیا۔

ریشم کی مانگی گئی دعا جو شادی کی راہ میں رکاوٹ بن گئی

ریشم نے شادی نہ ہونے کی وجہ اپنی منفرد دعا کو قرار دیدیا

ریشم نے اپنے جذبات کا اظہار کرتے ہوئے لکھا کہ ‘پنجاب کلچرل ڈے کے موقع پر مریم نواز سے ملاقات میرے لیے ایک ایسا دلنشین تجربہ تھا، جس کا اثر اب تک میرے دل و دماغ پر قائم ہے۔‘

انہوں نے مزید کہا کہ ‘مجھے پہلی بار اندازہ ہوا کہ شخصیت کا جادو کیا ہوتا ہے۔ ان کی گفتگو میں خلوص، اپنائیت اور اعتماد نمایاں تھا، اور یہی عناصر مجھے بے حد متاثر کر گئے۔‘

اداکارہ نے مریم نواز شریف کی بطور خاتون سیاستدان تعریف کرتے ہوئے لکھا کہ،‘ایک عورت ہو کر جس انداز سے انہوں نے مردوں پر سبقت حاصل کی، وہ قابلِ رشک ہے۔ ان کے لیے دل سے صرف نیک تمنائیں اور دعائیں نکلتی ہیں۔ جیو مریم!‘

تہجد کی نماز نے میری زندگی بدل دی، ریشم

خدا سے تعلق کبھی ختم نہیں کیا تھا، اداکارہ

یاد رہے کہ گزشتہ روز الحمراء آرٹس کونسل لاہور میں پنجابی کلچر ڈے کی رنگا رنگ تقریب کا انعقاد کیا گیا، جس میں وزیرِ اعلیٰ پنجاب مریم نواز شریف مہمانِ خصوصی کے طور پر شریک ہوئیں۔

 اس تقریب میں شوبز، ادب اور ثقافت سے وابستہ متعدد شخصیات نے شرکت کی اور پنجاب کی ثقافت کو بھرپور خراجِ تحسین پیش کیا۔