صاف، بے داغ اور چمکتی ہوئی جلد ہر فرد کا خواب ہوتی ہے۔ خاص طور پر چہرے کی دلکشی اور نکھار جمالیات کے جدید معیار میں ایک اہم مقام رکھتی ہے۔ موجودہ دور میں اگرچہ بے شمار بیوٹی اور سکن کیئر مصنوعات مارکیٹ میں دستیاب ہیں، تاہم اصل خوبصورتی کا راز بیرونی نہیں بلکہ اندرونی صحت میں پوشیدہ ہے۔

ماہرینِ غذائیت کا ماننا ہے کہ جلد کی حقیقی تازگی اور تروتازگی متوازن غذا، ہاضمے کی بہتری اور جسمانی صفائی سے حاصل ہوتی ہے۔ اسی ضمن میں ’ڈیٹاکس ڈرنکس‘ یعنی جسم کو صاف کرنے والے قدرتی مشروبات کو نہایت اہم تصور کیا جاتا ہے، جو نہ صرف جلد بلکہ مجموعی جسمانی صحت کو بہتر بنانے میں مدد دیتے ہیں۔

معروف ڈائٹیشن رچا گنگانی کی تجویز کردہ ’گلو ٹی‘ (Glow Tea) حالیہ دنوں میں خوبصورتی کے شائقین میں بے حد مقبول ہو چکی ہے۔ اُن کا کہنا ہے کہ اگر اس چائے کا روزانہ صبح نہار منہ استعمال کیا جائے تو صرف 21 دن میں چہرے پر قدرتی چمک اور تازگی محسوس ہونے لگتی ہے۔

دہی سے جلد گوری اور چمکدار بنائیں

دہی پروٹین، کیلشیم، وٹامنز اور پری بائیوٹکس سے بھرپور ہے۔ اسے ایک صحت بخش غذا کے...

گلو ٹی کے اجزاء:

یہ چائے مکمل طور پر قدرتی جڑی بوٹیوں اور مصالحوں پر مشتمل ہے، جن میں شامل ہیں:

گلاب کی پتیاں ، وٹامن A، C اور E سے بھرپور، جلد کی سوزش اور سرخی میں کمی، خون کی روانی میں بہتری۔

اسپیرمنٹ ٹی (پودینے کی ایک قسم) – ہارمونی نظام کی بہتری، ہارمونز سے متعلقہ دانوں کے لیے مؤثر۔

کڑی پتے ، وٹامن C اور E کی موجودگی، جلد کی نمی بحال رکھتی ہے اور چمک میں اضافہ کرتی ہے۔

تیز پات (Bay Leaves)  قدرتی سوزش کش خواص، جلد کے زخم بھرنے میں مددگار۔

کلونجی، جلد کی صفائی، دانوں کے خاتمے اور ٹوننگ کے لیے نہایت مفید۔

چمکدار جِلد کے لیے کن غذاؤں کا استعمال ضروری؟

سیب کھانا آپ کی جلد کو نکھارنے میں مدد دیتا ہے

گلو ٹی کے طبی فوائد:

جسم سے زہریلے مادوں کا اخراج (ڈیٹاکس)

نظامِ ہضم کی بہتری

مدافعتی نظام کی مضبوطی

جلد کی سوزش میں کمی

جسم کی قدرتی ہائیڈریشن کو برقرار رکھنا

گلو ٹی بنانے کا طریقہ:

ایک پین میں مناسب مقدار میں پانی ڈال کر اُبالیں۔

مذکورہ تمام اجزاء شامل کریں۔

تقریباً 5 منٹ تک اُبالیں تاکہ تمام افادیت پانی میں جذب ہو جائے۔

چائے کو چھان کر پی لیں۔

روزانہ صبح نہار منہ گلو ٹی کا استعمال جلد پر مثبت اثرات مرتب کرتا ہے۔ تاہم، اس کے استعمال سے قبل ماہر غذائیت یا ڈاکٹر سے مشورہ لینا ضروری ہے، خاص طور پر اگر آپ کسی خاص طبی صورتحال یا دوائیوں کا استعمال کر رہے ہوں۔