نوے کی دہائی میں جب معروف فلمساز مہیش بھٹ نے اپنی بیٹی پوجا بھٹ کو فلمی نگری میں لانچ کیا تو وہ ایک مقبول ہیروئن کے طور پر سامنے آئیں۔

اس دوران ایک میگزین میں شائع ہونے والی تصویر نے پورے بالی وڈ اور بھارت میں کھلبلی مچا دی۔

راہول بھٹ نے کارتک آریان کو پی آر کا چیمپئن قرار دے دیا

راہول بھٹ نے فلم ’ چندوچیمپئن‘ کے لیے کارتک کی فٹنس ٹریننگ کی تھی

اس تصویر میں مہیش بھٹ اور ان کی بیٹی پوجا بھٹ ہونٹوں پر بوسہ لیتے ہوئے دکھائی دیے تھے جس نے پورے بھارت کو شش و پنج میں مبتلا کردیا تھا۔

اب پوجا بھٹ کے بھائی راہول بھٹ نے اس تنازع پر بات کی ہے، جو برسوں بعد بھی ختم ہونے کا نام نہیں لے رہا۔

راہول بھٹ کا بوسے والے تنازع پر ردِعمل

ہندی رش کو دیے گئے ایک انٹرویو میں، فٹنس ٹرینر راہول بھٹ نے کہا کہ ان کے خاندان کو اس تصویر پر ہونے والے ردعمل سے کبھی فرق نہیں پڑا۔

عالیہ یا پوجا، بہترین اداکارہ کون؟ بھائی نے جنگ چھیڑ دی

مہیش بھٹ نے پہلی شادی کرن بھٹ سے کی تھی

انہوں نے کہا کہ کچھ فرق نہیں پڑتا، یہ بطخ کے جسم سے پانی بہہ جانے جیسا ہے، ہمیں معلوم ہے سچ کیا ہے،ہم نے بچپن سے یہ سب دیکھا ہے۔

راہول نے مزید کہا کہ فلمی خاندانوں میں پیدا ہونے والے بچے عموماً ایسی باتوں سے متاثر نہیں ہوتے، جیسا کہ ان کے اور ان کی بہن کے ساتھ ہوتا ہے۔

ان کا کہنا تھا کہ فلمی خاندان کے بچے یا تو بہت برباد ہوتے ہیں یا بہت مضبوط، لوگوں کو لگتا ہے ہمیں فرق پڑتا ہے، مگر نہیں۔

پوجا بھٹ کی وضاحت

یہ پہلا موقع نہیں ہے جب بھٹ خاندان نے اس متنازع تصویر پر بات کی ہو، 2023 میں ایک انٹرویو میں پوجا بھٹ نے اس لمحے کو اپنی معصومیت قرار دیا تھا اور اس پر تنازع کھڑا کرنے والوں کو آڑے ہاتھوں لیا تھا۔

پوجا بھٹ اور کنال کھیمو کا پہیلی جیسا رشتہ کیا ہے؟

فلم زخم میں پوجا بھٹ نے کنال کھیمو کی والدہ کا کردار ادا کیا تھا۔

انہوں نے کہا تھا کہ اگر لوگ باپ اور بیٹی کے رشتے کو ایک غلط نظر سے دیکھ سکتے ہیں، تو وہ کچھ بھی کر سکتے ہیں، پھر ہم بات کرتے ہیں خاندانی اقدار کی؟ بہت کمال کا مذاق ہے یہ۔

پوجا کے اس بیان نے نہ صرف ان کی صاف گوئی کو ظاہر کیا بلکہ یہ بھی دکھایا کہ وہ برسوں سے اس معاملے پر کتنی ثابت قدم رہی ہیں۔