آملہ، آپ کے بالوں کے علاوہ آپ کی جلد کے لئے فائدہ مند ثابت ہوتا ہے۔ اگر آپ یہ نہیں جانتے ہیں کہ یہ جلد کے لئے بھی مفید ہے تو آپ یہ جان کر اس سے فائدہ بھی اٹھا سکتی ہیں۔ جس طرح اس کا پیسٹ بالوں کے لئے اچھے طریقے سے کام کرتا ہے، اسی طرح آملہ کا جوس بھی جلد کے لئے بہت سے فوائد رکھتا ہے۔ اس کو بہت سی بیماریوں کے علاج کے لئے بھی استعمال کیا جاتا ہے۔ یہی وجہ ہے کہ اس کو دواؤں میں بھی استعمال کیا جاتا ہے۔

کیا آپ جاننا چاہتے ہیں کہ اس کے اندر کون سے فوائد پائے جاتے ہیں اور کون سے غذائی اجزا موجود ہوتے ہیں جو آپ کے لئے بہت ضروری ہوتے ہیں۔ دنیا میں بہت سے لوگ ایسے ہوں گے جو جوان رہنا پسند کرتے ہوں گے۔ لیکن جوان رہنا اتنا آسان نہیں، اس کے لئے ہمیں محنت کرنی ہوگی اور ایسی چیزوں کا استعمال کرنا ہوگا جو ہمیں دلکش نظر آنے میں ہماری مدد کرسکیں۔ متوازن غذا بھی ہماری بہت مدد کرتی ہے۔

 آملہ کا جوس اینٹی آکسیڈنٹس سے بھرپور ہوتا ہے اور یہ ہمارے بڑھاپے کے اثرات کو کم کرنے میں ہماری مدد کرتا ہے۔ یہ جھریوں اور باریک لکیروں کو ختم کرنے میں ہماری مدد کرتا ہے۔ یہ جلد کی رنگت کو نکھارتا ہے اور داغ دھبوں کو کم کرنے میں ہمارے لئے مفید ثابت ہوتا ہے۔ یہ قدرتی چمک کو بحال کرتا ہے۔

آملہ میں چھپا ہے آپ کے بالوں اور جلد کی نکھار کا راز

یہ آپ کی جلد کو ٹائیٹ کرنے میں مدد کرتی ہے۔

 اس میں موجود وٹامنز کولیجن کی مقدار کو بڑھانے میں ہماری مدد کرتے ہیں۔ جس کی وجہ سے آپ کی جلد ہموار اور جوان رہ سکے گی۔ آملہ میں موجود وٹامن سی اور اینٹی آکسیڈنٹس کی مقدار آپ کی جلد کو نکھارنے میں ہماری مدد کرتی ہیں۔ یہ آپ کی جلد کو ٹائیٹ کرنے میں مدد کرتی ہے۔ آپ اس کی مدد سے اپنی جلد میں نکھار پیدا کرسکتے ہیں۔ اس کو استعمال کرنے کے لئے آپ یہ طریقہ اپنا سکتے ہیں۔

ایک چمچ آملہ کا پاوڈر لیں، اس میں آپ گرم پانی ملا کر اس پیسٹ کو اپنے چہرے پر لگا لیں۔ اس میں ہلدی کو بھی شامل کرسکتے ہیں۔ اس کو پھر3 یا5 منٹ کے بعد دھو لیں۔ اس کے علاوہ اس کے جوس کا استعمال شہد ڈال کر بھی آپ کرسکتے ہیں۔

آملہ کا جوس آپ کے جلد سے مردہ خلیوں کو ہٹا کر جلد کو صاف کرتا ہے۔ اپنی جلد کو صاف رکھنے کے لئے روزمرہ کی بنیاد پر اپنی غذا میں آملہ کے جوس کا استعمال کریں۔ اس کے علاوہ آپ اس کا رس بھی اپنے چہرے پر لگا سکتی ہیں۔ اس سے آپ کی جلد صاف ہوگی۔ جس طرح ہم جلد کے لئے آملہ سے فوائد حاصل کرتے ہیں، اسی طرح ہم بالوں کے لئے بھی فوائد اٹھا سکتے ہیں۔

 اگر آپ مضبوط اور چمکدار بالوں کے کنارے حاصل کرنا چاہتے ہیں تو اس کے لئے آملہ آپ کی مدد کرسکتا ہے۔ یہ ضروری فیٹی ایسڈ کا ذریعہ ہوتے ہیں جو بالوں اور جڑوں کی پرورش کرتا ہے۔ اس کے علاوہ آملہ کے رس میں آپ لیموں کو بھی شامل کرسکتے ہیں۔ اس کو 20 سے 30 منٹ کے لئے اپنے بالوں پر چھوڑ دیں۔ پھر کمال دیکھیں۔

بالوں کی خشکی سے چھٹکارا کیسے ممکن ہے؟

بالوں کی خشکی کو عام زبان میں سکری یا ڈینڈرف بھی کہتے ہیں، ڈینڈرف کا کوئی موسم...

جس طرح جلد کی عمر بھی زیادہ ہو جانے کی وجہ سے اس پر جھریاں آجاتی ہیں، اسی طرح بالوں کی عمر زیادہ ہو جانے پر یہ سفید ہونا شروع ہوجاتے ہیں۔ ان میں موجود اینٹی آکسیڈنٹس آپ کے بالوں کو بوڑھا ہونے سے بچا سکتے ہیں۔

 آپ کو اس تیل سے باقاعدگی سے مالش کرنی چاہیے۔ آپ آملہ کو ناریل یا تل کے تیل میں کچھ دیر کے لئے بھگو کر اس کا استعمال کرسکتے ہیں۔ بالوں میں خشکی کا ہو جانا سردیوں کے موسم میں بہت عام ہوتا ہے۔ اگر آپ اس پریشانی میں مبتلا ہیں تو آپ کو اس سے نجات حاصل ہوسکتی ہے۔ آپ آملہ کی مدد سے اپنے بالوں میں سے خشکی کو ختم کر سکتے ہیں۔ 

ہمیں بالوں کے بہت سے مسائل کا سامنا کرنا پڑتا ہے۔ جیسے بالوں کا پتلا ہونا، بالوں کا گرنا اور بالوں کا ٹوٹنا شامل ہے۔ اگر آپ کو ان پریشانیوں کا سامنا ہے تو آپ آملہ کا استعمال لازمی کریں۔ اگر آپ اس کا رس مہندی میں ملا کر استعمال کرتی ہیں تو یہ آپ کے لئے بہت مفید ہوگا۔ اس کا رس آپ کے لئے کنڈیشنر کے طور پر کام کرتا ہے۔ یہ خشک اور کھردرے بالوں کا بھی علاج کرتا ہے۔