بھارت کے قابل فخر پنجابی گلوکار دلجیت دوسانجھ نے میٹ گالا 2025 میں اپنے شاندار انداز سے دنیا کو حیران کر دیا، مگر کیا آپ جانتے ہیں؟ آج جس زندگی کو دلجیت جیت رہے ہیں، اس کی خواہش انہوں نے نو سال پہلے، 2016 میں کی تھی۔

5 مئی 2025 کو نیو یارک میں ہونے والے میٹ گالا میں دلجیت دوسانجھ نے پہلی بار شرکت کی۔انہوں نے ریڈ کارپٹ پر اس شان و شوکت سے واک کی جیسے کوئی شہنشاہ اپنی سلطنت میں داخل ہو رہا ہو۔

دلجیت دوسانجھ کا ‘ٹکسیڈو لُک‘ مداحوں میں مقبول

گلوبل سپر اسٹار کو مداحوں سے دیسی ٹام کروز کا خطاب مل گیا

انہوں نے معروف ڈیزائنر پربال گرونگ کے تیار کردہ لباس میں شرکت کی، جس میں پنجابی ثقافت، بلیک ڈینڈی ازم اور ’مہاراجہ آف پٹیالہ‘ کو خراج عقیدت پیش کیا گیا۔ ان کے کیپ پر گرمکھی رسم الخط بھی لکھا تھا، جو ان کی سکھ پہچان کی عکاسی کرتا ہے۔

دلجیت نے  نیو یارک ٹائمز سے گفتگو میں کہا کہ ’اپنی شناخت کو فخر کے ساتھ لے کر میں ہمیشہ سے چل رہا ہوں۔‘

سال 2016 میں  ایک انٹرویو میں دلجیت نے کہا تھا کہ ‘جب میں چھوٹا تھا تو بڑی عجیب و غریب چیزیں سوچتا تھا کہ ایک دن ایسا آئے کہ میں کسی کو نہ جانتا ہوں اور مجھے سب جانتے ہوں۔‘

انہوں نے کہا کہ وہ وینٹی وین، لائٹس، اور اسپاٹ لائٹ کو انجوائے کرتے ہیں کیونکہ وہ گاؤں سے آئے ہیں، جہاں یہ سب صرف خواب تھے۔ وینٹی، لائٹ، اسپاٹ لائٹ، یہ سب چیزیں کبھی زندگی میں دیکھی بھی نہیں تھیں۔

دلجیت دوسانجھ کا میٹ گالا لُک کس کرکٹر سے متاثر؟

دلجیت دوسانجھ کا میٹ گالا میں مہاراجہ اسٹائل توجہ کا مرکز

دلجیت کی ٹیم نے انکشاف کیا کہ وہ خود مہاراجہ آف پٹیالہ کے اصلی زیورات پہننا چاہتے تھے، لیکن سیکیورٹی وجوہات کی بنا پر انہیں اجازت نہیں ملی لیکن انہوں نے پھر بھی پورے انداز اور فیشن کے ساتھ اپنے پنجابی ورثے کو دنیا کے سامنے فخر کے ساتھ پیش کیا۔

میٹ گالا 2025، دلجیت کے کیپ پر کیا درج تھا؟

دلجیت نے ایک شاہانہ لباس پہنا جو کہ مہاراجہ بھوپندر سنگھ آف پٹیالہ سے متاثر تھا۔

اسی انٹرویو میں دلجیت نے اپنے مستقبل کے پلانز بھی بتائے کہ ’جو آخری میں نے سوچا ہے وہ یہ ہے کہ 60 کی عمر میں میں امرت چکھوں گا، پھر میں ہالی ووڈ موویز میں کام کروں گا۔ میری داڑھی لمبی ہوگی، کرپان ہوگی، اور سب دیکھیں گے کہ یار، سکھ بندہ ہالی ووڈ میں۔‘

انہوں نے کہا کہ تب تک وہ انگلش بھی سیکھ لیں گے اور اپنی پہچان کو پوری دنیا میں مزید بلند کریں گے۔