بالی وڈ میں کئی مقبول ستاروں کی فلمیں سال  2025 کے آنے والے مہینوں میں ریلیز ہونے والی ہیں۔

عامر خان کی فلم 'ستارے زمین پر' کے حوالے سے نئی اپڈیٹ جاری

عامر خان اور جنیلیا دیشمکھ نے ‘ستارے زمین پر‘ کا پہلا گانا شوٹ کرلیا

 اس سے قبل بھارتی نیوز آؤٹ لیٹ نے خصوصی طور پر رپورٹ کیا تھا کہ عامر خان کی ’ستارے زمین پر‘ 20 جون کو سینما گھروں میں نمائش کے لیے پیش کی جائے گی اور اداکار  راج کمار راؤ کی گینگسٹر ڈرامہ فلم ’مالک‘ بھی اسی تاریخ کو ریلیز ہونے تھی۔

رپورٹ میں  خصوصی طور پر انکشاف کیا گیا تھا کہ ’ستارے زمین پر‘ 20 جون 2025 کو بڑے پردے پر نمائش کے لیے پیش کی جائے گی اور عامر فلم کے مواد پر پختہ یقین رکھتے ہیں کیونکہ یہ ان کے ہنسی، احساس اور ڈرامہ کے فارمولے پر مبنی فلم ہے۔

رپورٹ میں بتایا گیا تھا کہ ‘عامر فلم کی ریلیز کیلئے ایک اچھی ونڈو کی تلاش میں تھے اور انہیں 20 جون کی ریلیز کے ساتھ وہ ونڈو مل گئی ہے اور ساتھ ہی ساتھ اس سوشل ڈرامہ کامیڈی فلم کا پورا مارکیٹنگ پلان بھی طے ہو چکا ہے‘۔

عامر خان نے ’ستارے زمین پر‘ کے کرداروں کی تفصیلات بتادیں

فلم میں 10 مرکزی کردار ہوں گے، عامر خان

عامر خان کی فلم ‘ستارے زمین پر‘ کی ریلیز ڈیٹ کی خبریں سامنے آنے کے بعد بھارتی میڈیا پر اس فلم کا 'مالک' کے ساتھ ہونے والا تصادم سرخیوں کی زینت بن گیا تھا۔

تاہم فلم 'مالک' کے میکرز نے  تصادم سے بچنے کے لیے فلم کی ریلیز ڈیٹ کو ملتوی کردیا  اور اب یہ 11 جولائی کو ریلیز ہوگی۔

حال ہی میں اداکار راج کمار راؤ نے فوٹو اینڈ ویڈیو شیئرنگ ایپ انسٹاگرام کا رخ کرتے ہوئے اپنی آنے والی فلم ’مالک‘ کی نئی ریلیز کی تاریخ کا اعلان کیا۔

پوسٹ میں اداکار راجکمار راؤ کو گینگسٹر کے روپ میں گاڑی کے اوپر ہاتھ میں بندوق پکڑے کھڑے دیکھا جا سکتا ہے جہاں  اداکار  کے چہرے پر ایک شدید تاثر تھا اور  وہ کیمرے کی طرف دیکھ رہےہیں۔

'ستارے زمین پر'، عامر خان کے کردار کا راز فاش ہوگیا

ناظرین عامر کو ایک ایسے کردار میں دیکھیں گے جو اس سے پہلے انہوں نے کبھی نہیں کیا۔

'مالک' کے پوسٹر پر مبنی پوسٹ کو کیپشن دیتے ہوئے راجکمار راؤ کا کہنا تھا کہ ‘رعب، رتبہ، اور راج ہوگا کیونکہ 11 جولائی سےمالک سینما گھروں میں آرہی ہے‘۔

واضح رہے کہ راجکمار راؤ کی فلم ’مالک‘ کی ہدایت کاری پُلکت نے کی ہے اور اسے کمار تورانی اور جے شیواکرامانی نے پروڈیوس کیا ہے، یہ فلم ناردرن لائٹس فلمز پروڈکشن، ٹپس فلمز کی پیشکش ہے۔