انفوٹینمنٹ

’ویڈنزڈے سیزن ٹو‘ کا دھماکہ خیز ٹیزر ریلیز

Web Desk

one year ago

’ویڈنزڈے سیزن ٹو‘ کا دھماکہ خیز ٹیزر ریلیز

نیٹ فلکس کی مقبول ترین سپر نیچرل ویب سیریز ’ویڈنزڈے‘ ایک بار پھر اپنی نئی کہانی کے ساتھ جلوہ گر ہونے کو تیار ہے۔

سیزن 2 کا پہلا ٹیزر جاری کر دیا گیا ہے، جو اپنے خوفناک مناظر اور پراسرار فضا کے باعث سوشل میڈیا پر تیزی سے وائرل ہو رہا ہے۔

اس نئے سیزن میں جہاں ناظرین کو کہانی میں مزید الجھاؤ اور سنسنی خیزی ملے گی، وہیں کئی نئے کردار بھی متعارف کرائے گئے ہیں۔

ویڈنزڈے ایڈمز ایک بار پھر نیورمور اکیڈمی لوٹتی ہیں، لیکن اس بار ان کی واپسی صرف تعلیم کے لیے نہیں، بلکہ کچھ دفن شدہ رازوں کی کھوج کے لیے ہے۔

ٹیزر کی شروعات ایک دھماکہ خیز منظر سے ہوتی ہے، جہاں ویڈنزڈے اور اس کی دوست جینا، ایئرپورٹ سیکیورٹی سے گزرتے ہوئے اپنے کپڑوں سے چھپائے گئے ہتھیار نکالتی ہیں، جس پر سیکیورٹی اہلکار دنگ رہ جاتے ہیں۔

سیریز میں مورٹیشیا اور گومز ایڈمز بھی اپنی بیٹی کے ہمراہ نظر آتے ہیں، جبکہ ویڈنزڈے کے پرانے دوست اسکول میں اس کا پرتپاک استقبال کرتے ہیں۔

تاہم ویڈنزڈے حسبِ روایت خاموش، سنجیدہ اور اپنے مشن پر پوری توجہ مرکوز کیے ہوئے نظر آتی ہے۔

ناظرین کی بےچینی ختم ہونے کو ہے، کیونکہ نیٹ فلکس نے اعلان کیا ہے کہ سیزن 2 کا پہلا حصہ 6 اگست 2025ء جبکہ دوسرا حصہ 3 ستمبر 2025ء کو ریلیز کیا جائے گا۔