بالی وڈ کے معروف اداکار نوازالدین صدیقی نے  فلمی صنعت میں اداکاروں کے ساتھ روا رکھے جانے والے امتیازی سلوک پر کھل کر اظہارِ خیال کیا ہے۔

ایک انٹرویو میں نوازالدین نے سوال اٹھایا کہ کیا کبھی مرحوم عرفان خان، منوج باجپائی ، نصیرالدین شاہ یا اوم پوری جیسے عظیم فنکاروں کے ساتھ 20 سے 30 کروڑ روپے کے بجٹ کی کوئی فلم بنائی گئی؟

فیضل سے شیو تک، نواز الدین صدیقی کے مقبول کرداروں کی کہانی

اداکار نے اِن کرداروں کیلئے حقیقی زندگی سے ملنے والی انسپائریشن کے بارے میں بتا...

نوازالدین نے کہا کہ ان عظیم فنکاروں کے ساتھ کبھی کوئی بڑی فلم نہیں بنی، آج آپ ان کی تعریفوں کے پل باندھتے ہیں، انہیں عظیم اداکار قرار دیتے ہیں مگر جب وہ زندہ تھے تو کسی نے ان پر بڑی سرمایہ کاری نہیں کی، یہ صرف ہندوستان میں ہوتا ہے۔

انہوں نے عالمی سینما کا حوالہ دیتے ہوئے مزید کہا کہ بیرونِ ملک اداکاروں کے انتخاب میں صرف ان کی صلاحیت دیکھی جاتی ہے، شکل و صورت پر فیصلہ نہیں کیا جاتا۔

ان کا کہنا تھا کہ ’بین الاقوامی سطح پر صرف اچھے اداکار کو منتخب کیا جاتا ہے مگر یہاں ہم نے اداکار، ہیرو، اسٹار اور سپر اسٹار جیسی درجہ بندیاں بنا رکھی ہیں۔

نواز الدین صدیقی کی نئی ہارر فلم ‘ادبُھت‘ میں کیا خاص؟

ہارر فلم ‘ادبُھت‘ 15 ستمبر کو ریلیز کی جائے گی

انہوں نے کہاکہ ہمارے پاس ایسے عظیم اداکار ہیں جنہیں محض چھوٹے کرداروں میں دیکھنے کا موقع ملتا ہے، یہ محض معاون اداکار نہیں بلکہ قابلِ فخر فنکار ہیں۔

ان کا کہنا تھاکہ افسوس کہ کسی نے کبھی ان پر ایک مکمل فلم بنانے کا نہیں سوچا اور شاید آئندہ بھی نہ سوچے، ہم سب ایک دن چلے جائیں گے، مگر یہ روایت جاری رہے گی۔

نوازالدین صدیقی کے آئندہ منصوبے

نوازالدین صدیقی ’گینگز آف واسے پور‘،’بدلاپور‘ ، ’کِک‘ ، ’بجرنگی بھائی جان‘ اور مشہور ویب سیریز ’سیکریڈ گیمز‘ جیسے کامیاب منصوبوں کا حصہ رہ چکے ہیں، اب جلد ہی ’کوسٹاؤ‘ میں نظر آئیں گے۔

نوازالدین صدیقی اسمگلنگ مافیا کو دھول چٹانےکو تیار

نواز الدین صدیقی کی نئی فلم ’ کوسٹاؤ‘ کا ٹریلر جاری کردیا گیا۔

یہ فلم 1990 کی دہائی کے گووا میں کسٹم آفیسر کوسٹاؤ فرنینڈس کی حقیقی زندگی پر مبنی ہے، جو سونے کی اسمگلنگ اور بدعنوانی کے خلاف لڑے تھے۔

’کوسٹاؤ‘ کی ہدایتکاری ڈیبیو کرنے والے سِجل شاہ نے کی ہے، جبکہ فلم میں پریا بپت، کشور کمار جی، گگن دیو ریار اور حسین دلال بھی اہم کرداروں میں نظر آئیں گے،یہ فلم یکم مئی کو اوٹی ٹی پلیٹ فارم پر ریلیز کی جائے گی۔