معروف اداکار جوڑی وشما فاطمہ اور سبحان اعوان کی ایک مزاحیہ ویڈیو انسٹاگرام پر وائرل ہو گئی ہے، جسے مداحوں کی جانب سے بھرپور پذیرائی مل رہی ہے۔

اداکارہ وشما فاطمہ نے فوٹو اور ویڈیو شیئرنگ ایپ انسٹاگرام پر اپنے شوہر اور اداکار سبحان اعوان کے ساتھ ایک دلچسپ ویڈیو شیئر کی، جس میں وہ مزاحیہ انداز میں ایک مکالمے پر لپ سنگ کرتی دکھائی دے رہی ہیں۔

وشما فاطمہ اور سبحان کے رومانوی فوٹو شوٹ کے چرچے

وشما فاطمہ کا شادی کی سالگرہ پر سبحان کے نام پیغام

ویڈیو کے کیپشن میں وشما نے لکھا،‘میری آواز ہی ایسی ہے!‘

ویڈیو میں دیکھا جا سکتا ہے کہ پہلے وہ دھیمی آواز میں کہتی ہیں، ‘میری آواز ہی ایسی ہے‘، لیکن شادی کے بعد اسی جملے کو طنزیہ اور بلند آواز میں دہراتے ہوئے کہتی ہیں ،‘نہیں بول سکتی آہستہ، میری آواز ہی ایسی ہے!‘

یہ مختصر ویڈیو چند گھنٹوں میں ہزاروں صارفین دیکھ چکے ہیں، اور اس پر دلچسپ تبصرے بھی سامنے آ رہے ہیں۔ مداحوں نے جوڑی کی کیمسٹری اور حس مزاح کو خوب سراہا ہے۔

یاد رہے کہ وشما اور سبحان اعوان سوشل میڈیا پر اپنی ہنسی مذاق سے بھرپور ویڈیوز کے لیے مشہور ہیں، اور ان کی یہ منفرد طرزِ تفریح ان کے فالوورز کو بے حد پسند آتا ہے۔

وشما فاطمہ نے مقبول ڈرامہ سیریل ‘مجھے پیار ہوا تھا‘ میں منفی کردار ادا کیا تھا، جس میں ان کے ساتھ اداکار وہاج علی اور ہانیہ عامر بھی مرکزی کرداروں میں نظر آئے۔

واضح رہے کہ وشما فاطمہ اور سبحان اعوان نے جنوری 2023 میں شادی کی تھی اور اس وقت سے اب تک دونوں سوشل میڈیا پر ایک خوشگوار اور تفریحی جوڑی کے طور پر جانے جاتے ہیں۔