معروف ہالی وڈ اداکار رابرٹ ڈی نیرو کی بیٹی ایئرن نے حال ہی میں انکشاف کیا ہے کہ وہ ٹرانس جینڈر ہیں۔

29 سالہ ابھرتی ہوئی ماڈل ایئرن نے منگل کے روز ایک انٹرویو میں اپنی ذاتی شناخت اور تبدیلی کے سفر پر روشنی ڈالی۔

انوپم کھیر اور رابرٹ ڈی نیرو کے درمیان کس بات پر تنازع ہوا تھا؟

سکندر کھیر نے اپنے والد کے ساتھ پیش آنے والا واقعہ بتا دیا

وہ اور ان کا جڑواں بھائی جولیئن 81 سالہ آسکر ایوارڈ یافتہ اداکار رابرٹ ڈی نیرو کے سات بچوں میں شامل ہیں۔

ایئرن نے کہا کہ نظر آنا اور واقعی دیکھے جانا، دونوں میں فرق ہوتا ہے، میں ہمیشہ سے نظر تو آتی رہی ہوں لیکن میرا ماننا ہے کہ مجھے ابھی تک واقعی دیکھا نہیں گیا۔

انٹرویو کے دوران ان سے ’نیپو بےبی‘کہلائے جانے کے تاثر پر بھی بات ہوئی، ایئرن نے اس تصور کی تردید کی۔

ایئرن کا کہنا تھا کہ انہیں کبھی اپنے والد کی فلم میں کسی چھوٹے کردار میں نہیں ڈالا گیا، نہ میں بزنس میٹنگز یا فلمی تقریبات میں شامل رہی، میرے والد ہمیشہ ہمیں اپنی راہ خود تلاش کرنے پر زور دیتے تھے، میں چاہوں گی کہ اگر مجھے کامیابی ملے تو وہ میرے اپنے بل بوتے پر ہو۔

ٹرمپ کی جیت پر ایلون مسک کی ٹرانسجینڈر بیٹی کا اظہارِ مایوسی

ویوین ولسن نے امریکا چھوڑ جانے کا عندیہ دیدیا

ایئرن نے مزید بتایا کہ ان کے والدین نے اپنی شہرت کے باوجود انہیں عام بچوں کی طرح پروان چڑھانے کی کوشش کی۔

انہوں نے مزید کہا کہ کوئی بھی والدین مکمل نہیں ہوتے لیکن میں شکر گزار ہوں کہ میرے والدین نے مجھے روشنیوں سے دور رکھا تاکہ میں عام بچپن گزار سکوں۔

انہوں نے یہ بھی بتایا کہ بچپن سے ہی انہیں اپنی شناخت اور جسمانی خدوخال کے حوالے سے جدوجہد کا سامنا رہا۔

سویڈن، جنس تبدیلی کے حوالے سے متنازع قانون کی منظوری

نیا قانون اگلے سال نافذ العمل ہوگا

ایئرن نے بتایا کہ انہیں ہمیشہ کہا گیا کہ میں کسی چیز کی زیادتی یا کمی کا شکار ہوں، بہت بڑی، بہت دبلی نہیں، کافی سیاہ نہیں، یا کافی گوری نہیں، بہت نسوانی، یا کافی مردانہ نہیں، کبھی کسی نے یہ نہیں کہا کہ تم بالکل ٹھیک ہو۔

ایئرن نے انکشاف کیا کہ انہوں نے نومبر سے ہارمون تھراپی کا آغاز کیا اور اس فیصلے میں ان کی والدہ اور دیگر سیاہ فام خواتین نے اہم کردار ادا کیا۔

انٹرٹینمنٹ انڈسٹری میں کام کرنے کے ساتھ ساتھ ایئرن ذہنی صحت کی مشیر بننے کے لیے تعلیم بھی حاصل کر رہی ہیں۔