پاکستان براڈکاسٹرز ایسوسی ایشن (پی بی اے) نے ایف ایم ریڈیو اسٹیشنز پر بھارتی گانے نشر نہ کرنے کا فیصلہ کیا ہے۔

یہ اقدام اس وقت سامنے آیا ہے جب بھارت نے پاکستان پر 22 اپریل کو مقبوضہ جموں و کشمیر کے سیاحتی مقام پہلگام میں ہونے والے حملے میں ملوث ہونے کا الزام عائد کیا ہے، جس میں 26 افراد ہلاک ہوئے تھے، اسلام آباد نے اس حملے میں کسی بھی طرح ملوث ہونے سے انکار کیا ہے۔

بھارتی ڈیجیٹل دہشتگردی،جیوسمیت 16یوٹیوب چینلز پرپابندی

ان میں نیوز چینلز کے علاوہ ، اسپورٹس اور معلومات عامہ فراہم کرنے والے چینلز بھی...

اس کے بعد سے دونوں ممالک کے درمیان کشیدگی میں اضافہ ہوا ہے، پاکستان نے کہا کہ اس کی افواج کسی بھی جارحیت کا منہ توڑ جواب دینے کے لیے تیار ہیں، جبکہ بھارتی وزیر اعظم نے بھی اپنی فوج کو ’ آپریشنل آزادی’ دے دی ہے۔

دوسری جانب بھارت کی جانب سے ڈیجیٹل حملے کرتے ہوئے متعدد پاکستانی یوٹیوب چینلز پر پابندی لگادی گئی تھی جس میں بڑے انٹرٹینمنٹ چینلز بھی شامل تھے جن کے ڈرامے سرحد پار بھی بہت شوق و ذوق سے دیکھے جاتے ہیں۔

معاملہ صرف یہیں نہیں تھما بلکہ اس کے بعد بھارت میں پاکستانی فنکاروں کے انسٹاگرام اکاؤنٹس پر بھی پابندی لگادی گئی یوں بھارتی مداحوں کی پاکستانی سیلیبریٹیز تک رسائی بھی روک دی گئی۔

بھارتی پابندی پر پاکستانی فنکاروں کا دلچسپ ردِ عمل

پاکستانی فنکاروں نے انسٹاگرام اکاؤنٹس بھارت میں بین کرنے پر ردِ عمل دے دیا

پاکستانی حکومت کی جانب سے کسی بھارتی چینل پر اب تک پابندی تو سامنے نہیں آسکی البتہ پاکستان براڈکاسٹرز ایسوسی ایشن نے خود بھارتی گانے نشر نہ کرنے کا فیصلہ کیا ہے۔

وزارتِ اطلاعات و نشریات پاکستان کی جانب سے ایف ایم ریڈیو اسٹیشنز پر بھارتی گانے نشر نہ کرنے کے فیصلے کو سراہتے ہوئے اس فیصلے کو اصولی اور قومی جذبات سے ہم آہنگ اقدام قرار دیا

وزارتِ اطلاعات نے اپنے بیان میں کہا کہ کشیدگی کی موجودہ صورتِحال کے پیش نظر یہ محبِ وطن اقدام پوری قوم کے اجتماعی احساسات کی ترجمانی کرتا ہے، اس فیصلے کو قومی یکجہتی کے طور پر دیکھا جا رہا ہے۔

پاکستانی اداکاروں کے انسٹاگرام اکاؤنٹس بھارت میں بند

مذکورہ اکاؤنٹس تک رسائی پر لکھا نظر آتا ہے کہ یہ اکاؤنٹ بھارت میں دستیاب نہیں۔

وفاقی وزیر اطلاعات و نشریات عطااللّٰہ تارڑ نے اس فیصلے پر ردِ عمل کا اظہار کرتے ہوئے کہا کہ پی بی اے کی یہ پہل خود مختارانہ ہے اور اس سے قومی وقار اور خود مختاری کو تقویت ملتی ہے۔

انہوں نے مزید کہا کہ اس فیصلے سے یہ پیغام جاتا ہے کہ پوری قوم ان مشکل حالات میں قومی اتحاد، یکجہتی اور بنیادی اقدار کے فروغ کےلیے متحد ہے۔