سندھ ہائیکورٹ نے منشیات کیس کے معروف اداکار ساجد حسن کے بیٹے ملزم ساحر حسن کی درخواست ضمانت منظور کرلی۔

رپورٹ کے مطابق ہائیکورٹ کے آئینی بینچ کے روبرو منشیات کیس میں معروف اداکار ساجد حسن کے بیٹے ملزم ساحر حسن کی درخواست ضمانت کی سماعت ہوئی۔

ملزم ساحر حسن مصطفیٰ عامر قتل کی تفتیش کے ملزمان میں سے ایک ہے۔

بیٹے کو قربانی کا بکرا نہ بنائیں، الزامات جھوٹ ہیں، ساجد حسن

ساحر سے کوئی ممنوعہ اشیا برآمد نہیں ہوئی،گھر پر غیر قانونی چھاپا مارا گیا، اداکار

درخواست ضمانت کی سماعت میں وکیل صفائی نے مؤقف اختیار کیا کہ ملزم 2 ماہ سے زائد عرصے سے جیل میں ہے۔

 عدالت نے ملزم ساحر کی 10 لاکھ روپے کے مچلکے کے عوض ضمانت منظور کرلی۔

لارجر بینچ نے ملزم ساحر حسن کی درخواست ضمانت آئینی بینچ کا دائرہ سماعت قرار دے دیا تھا۔ 

ملزم ساحر حسن عدالتی ریمانڈ پر جیل میں ہے، ملزم سے 5 سو 57 گرام ویڈ گانجا برآمد ہوا تھا۔

مارچ میں ملزم ساحر حسن کیخلاف منشیات برآمدگی کیس میں کراچی سینٹرل جیل جوڈیشل کمپلیکس میں جوڈیشل مجسٹریٹ کراچی جنوبی شہزاد خواجہ کی عدالت میں تفتیشی افسر نے ایک عبوری چالان پیش کیا تھا۔

مصطفیٰ عامر قتل کیس؛ اداکار ساجد حسن کا بیٹا گرفتار

نامور پاکستانی اداکار کے بیٹے سے منشیات بھی برآمد ہوئی ہے، پولیس حکام

عبوری چالان میں کہا گیا تھا کہ 'ملزم نے منشیات کی فروخت سے رقم اپنے والد کے منیجر کے اکاؤنٹ میں منتقل کرنے کا اعتراف کیا۔'

عبوری چالان کے مطابق منیجر کو اپنا دفاع پیش کرنے کا موقع دیا گیا اور انہیں بینک اسٹیٹمنٹ اور بے گناہی کا ثبوت پیش کرنے کی ہدایت کی گئی۔ تاہم اس نے ابھی تک ایسا کوئی ثبوت فراہم نہیں کیا ہے۔

چالان جمع ہونے پر عدالت ملزم کو مقدمے کی نقول فراہم کرتے ہوئے معاملہ سیشن عدالت کو بھیجا تھا۔