دنیائے موسیقی کے 2 عظیم گلوکار عاطف اسلم اور مرحوم استاد نصرت فتح علی خان کو ایک ہی گیت میں ایک ساتھ آواز کا جادو جگاتے ہوئے دیکھ کر مداح دنگ رہ گئے۔

نصرت فتح علی خان کونسا گانا گاتے ہوئے بار بار روپڑے؟

نصرت صاحب نے ابتدا میں گانا گانے کے لیے ہچکچاہٹ کا مظاہرہ کیا ۔

یہ حیرت انگیز کولیبریشن ویلو ساؤنڈ اسٹیشن اور بلال لاشاری کی تخلیقی صلاحیتوں کی بدولت ممکن ہوئی ہے۔

ویلو ساؤنڈ اسٹیشن کے نئے سیزن میں عاطف اسلم نے نصرت فتح علی خان کو منفرد انداز میں خراجِ عقیدت پیش کرتے ہوئے ان کا مشہورِ زمانہ کلام 'سانوں اک پل چین نہ آوے' دوبارہ گایا ہے لیکن اس بار کچھ ایسا ہوا ہے جو پاکستانی موسیقی کی تاریخ میں پہلے کبھی نہیں ہوا۔

عاطف اسلم، جو موجودہ دور میں موسیقی کے لیجنڈ مانے جاتے ہیں اور نصرت فتح علی خان، جنہیں ہر دور کی موسیقی کا بادشاہ کہا جاتا ہے، ایک ہی ٹریک میں ایک ساتھ گاتے سُنے جا سکتے ہیں۔

اگرچہ نصرت فتح علی خان 1997 میں دنیا سے رخصت ہو چکے، لیکن ان کی آواز کو اس گانے میں اس مہارت سے شامل کیا گیا ہے کہ سننے والا حیرت زدہ رہ جاتا ہے۔

نصرت فتح علی خان کی 76ویں سالگرہ، شاندار کریئر پر ایک نظر

نصرت فتح علی خان کے مداح آج ان کا 76 واں یوم پیدائش منا رہے ہیں

عاطف اسلم نے اپنی مخصوص جذباتی آواز میں جب اس لازوال قوالی کو گایا تو نصرت صاحب کی اصل آواز کے ساتھ جو امتزاج پیدا ہوا، وہ سننے والوں کے دلوں کو چھو گیا۔

بلال لاشاری، جو اس پروجیکٹ کے پروڈیوسر ہیں، انہوں نے نہ صرف اس گانے کی ویژولز میں اعلیٰ معیار کے وی ایف ایکس (VFX) کا کمال انداز میں استعمال کیا ہے بلکہ ایک ایسا خواب سچ کر دکھایا جس کی تمنا برسوں سے کی جا رہی تھی۔

سوشل میڈیا پر یہ گانا رییز ہوتے ہی تیزی سے چھا گیا ہے، کمنٹ سیکشن میں سوشل میڈیا صارفین محبت اور جذبات سے لبریز تبصرے کر رہے ہیں۔

نصرت فتح علی خان کا نام ’مسٹر اللّٰہ ہو‘ رکھنے کی وجہ کیا؟

ہم پردیس میں اپنے دیس کی مٹی کی خوشبو لے کر آتے ہیں

ایک صارف نے لکھا کہ 'یہ میرا خواب تھا کہ نصرت صاحب کو لائیو سنوں، لیکن آج میں دو لیجنڈز کو ایک ساتھ سن رہا ہوں'۔

ایک اور مداح نے بلال لاشاری کو داد دیتے ہوئے کہ 'ویڈیو اور وی ایف ایکس لاجواب ہیں۔ ایسی کمال پروڈکشن پاکستان میں کم ہی دیکھی گئی ہے'۔

جبکہ ایک مداح نے جذباتی انداز میں لکھا کہ 'یہی ہوتا ہے جب تین لیجنڈز ایک ساتھ آجائیں'۔

یہ گانا نہ صرف نصرت فتح علی خان کو خوبصورت خراجِ عقیدت ہے بلکہ اسے پاکستانی موسیقی کی نئی معراج قرار دیا جارہا ہے۔