ٹیکنالوجی

بھارت کا حملہ، پاکستان میں ایکس بحال

بالآخر 7 مئی 2025 کو پاکستانی صارفین کے لیے ایکس کو دوبارہ بحال کر دیا گیا

Web Desk

9 months ago

بھارت کا حملہ، پاکستان میں ایکس بحال

بالآخر 7 مئی 2025 کو پاکستانی صارفین کے لیے ایکس کو دوبارہ بحال کر دیا گیا

بھارت کے پاکستان پر پانچ جگہوں پر میزائل داغے جانے کی کارروائی کے بعد ایک سال سے زائد عرصے سے بند سوشل میڈیا پلیٹ فارم ایکس کی سروسز بحال کردی گئی ہیں۔

پاکستان میں ایکس پر پابندی فروری 2024 میں عائد کی گئی تھی۔ یہ پابندی ایسے وقت میں آئی جب ملک میں سیاسی ماحول کافی گرم تھا، اور سوشل میڈیا پر غلط معلومات، پروپیگنڈہ، اور بعض حساس ویڈیوز وائرل ہو رہی تھیں۔

حکومت کی جانب سے مؤقف تھا کہ قومی سلامتی اور غلط اطلاعات کے پھیلاؤ کو روکنے کے لیے یہ قدم اٹھایا گیا۔

لیکن سماجی کارکنان کا کہنا تھا کہ یہ آزادیِ اظہار پر قدغن ہے۔ صحافیوں، طلبہ، انسانی حقوق کی تنظیموں اور عام صارفین نے اس پابندی کو غیرمنصفانہ قرار دیا۔