معروف پاکستانی اداکار، کامیڈین و میزبان شفاعت علی نے رات گئے پاکستان پر بھارت کے بزدلانہ حملے کے بعد مودی کی زبان میں بھارت کو جواب دے دیا۔

منگل اور بدھ کی درمیانی شب 12 بجے سے ایک بجے کے درمیان بھارت نے 6 مختلف مقامات بہاولپور، مریدکے، مظفرآباد، کوٹلی اور دیگر علاقوں پر 24 حملے کیے۔

بھارت کا رات گئے بزدلانہ حملہ، پاکستان کا منہ توڑ جواب

پاک فوج نے 5 بھارتی طیارے مار گرائے، بھارت سفید جھنڈا لہرا کر شکست تسلیم کرنے پر...

اس بزدلانہ میزائل حملے کو بھارت نے 'آپریشن سندور' کا نام دیا ہے جس میں ایک بچے سمیت 8 نہتے پاکستانی شہید اور 35 زخمی ہوئے، جوابی کارروائی میں پاکستان نے بھارت کے 5 طیارے مار گرائے اور بھارتی فوج کا بریگیڈ ہیڈ کوارٹر بھی تباہ کردیا۔

پاکستانی سیاست دان اور دیگر معروف شخصیات کی نقل اتارنے والے فنکار شفاعت علی نے بھارت کے اِس بزدلانہ حملے پر اپنے مخصوص انداز میں تبصرہ کیا ہے۔

شفاعت علی نے 'ایکس' پر پوسٹ کی گئی ویڈیو میں بالکل بھارتی وزیراعظم نریندر مودی کی آواز اور لب و لہجے میں گفتگو کرتے ہوئے کہا کہ 'کل رات ہماری وایو سینا نے ہم سے ایک آدیش لیا اور وہ آدیش تھا سندور کا، ایک ایسا نرنے تھا جو اتہاز کے پنے پلٹ دے گا، بہار کا الیکشن جتا دے گا'۔

پاکستان پر حملے پر بھارتی فنکار خوشی سے نہال

پاکستانی فنکاروں کے برعکس بالی وڈ فنکار جنگ کے ماحول پر بغلیں بجاتے نظر آرہے ہیں

انہوں نے مزید کہا کہ 'آگے جب ہماری وایو سینا پاکستان پہنچی، تو ادھر انہوں نے سندور کے جواب میں ہم پر ولیمہ کردیا، ہمارے رافیل، ہمارا مگ، کیا کہیں اُن کے بارے میں'۔

ویڈیو کے آخر میں انہوں نے مودی کی زبان سے پاکستانی آرمی چیف جنرل عاصم منیر کی مداح سرائی کرواتے ہوئے کہا کہ 'ہم اب بھارتی سینا کی طرف سے، ہندوستان کی لوک تنتر کی طرف سے پاکستان سے کچھ کہنا چاہتے ہیں، جنرل عاصم منیر، میری جند میری جان'۔

واضح رہے کہ رواں برس 22 اپریل کو مقبوضہ کشمیر کے ضلع پہلگام کے سیاحتی مقام پر فائرنگ کے واقعے میں 26 افراد ہلاک اور ایک درجن زخمی ہوگئے تھے۔

بھارتی کرکٹرز بھی پاک-بھارت جنگ کو ہوا دینے لگے

بھارتی کھلاڑی 'آپریشن سندور' کی مکمل حمایت کرتے نظر آرہے ہیں

بھارت کی ہندو انتہا پسند حکومت نے پہلگام واقعے کی تحقیقات کے بغیر روایتی ہٹ دھرمی کا مظاہرہ کرتے ہوئے پاکستان کو مورد الزام ٹھہرایا اور 'سندھ طاس معاہدے' کو معطل کرنے سمیت متعدد پاکستان مخالف اقدامات کا اعلان کیا تھا۔

پاکستان نے سندھ طاس معاہدہ معطل کرنےکا بھارتی یکطرفہ اعلان مسترد کر دیا جبکہ پاکستانی وزیردفاع خواجہ آصف کی جانب سے مسلسل یہ خدشہ ظاہر کیا جارہا تھا کہ بھارت کسی بھی وقت پاکستان پر حملہ کرنے کی غلطی کر سکتا ہے۔