پہلگام حملے کے بعد جنگی جنون میں مبتلا بھارت کو جہاں پاکستانی میمرز نے مسلسل نشانے پر رکھا ہوا ہے، وہیں اب پاکستانی جانبازوں کے ہاتھوں بھارتی رافیل طیاروں کی تباہی پر چین نے بھی گانا بنا کر بھارت کو ٹرول کردیا۔

سوشل میڈیا پر ایک ویڈیو وائرل وہ رہی ہے جس میں چینی سوشل میڈیا انفلیوئنسرز کو بھارتی شہریوں کی طرح پگڑیاں پہنے دیکھا جا سکتا ہے، ان پگڑیوں پر علامتی جہاز بنائے گئے ہیں اور چینی انفلوئنسرز اپنی زبان میں گانا گا کر رافیل طیاروں کا مذاق اڑا رہے ہیں۔

اس گانے کے بول کچھ یوں ہیں؛

میں نے ایک جہاز خریدا، جسے خوب مار پڑی

کتنی شرم کی بات ہے، سارے طیارے تباہ ہوگئے

کوئی ایک بھی طیارہ گھر واپس نہ آیا، 9 ارب روپیہ ضائع ہوگیا

ہر کوئی آن لائن ہمارا مذاق اڑا رہا ہے، یہ بہت شرم کی بات ہے

چینی سوشل میڈیا انفولئنسرز کی جانب سے گائے گئے اس مذاحیہ گانے کی ویڈیو سوشل میڈیا پر خوب وائرل ہورہی ہے جس پر پاکستانی صارفین بھی دلچسپ تبصرے کررہے ہیں۔

ایک صارف نے لکھا کہ 'ہم سے زیادہ تو چینی بھارتیوں کے رافیل تباہی کا مذاق اڑا رہے ہیں'۔

ایک اور صارف نے لکھا کہ 'دنیا کی تاریخ میں پہلی مرتبہ فرانسیسی رافیل اور اسرائیلی ڈرون کو کسی ملک نے مار گرایا ہے، یہ پاکستان اور چین کے بنائے گئے J 10C کی بہت بڑی فتح ہے، چین بھی خوشیاں منا رہا ہے کیونکہ اب J 10C کی پوری دنیا پر دھاک بیٹھ گئی ہے'۔

ایک اور صارف نے لکھا کہ 'رافیل کی تباہی کو جس انداز میں چینیوں نے ٹرول کیا ہے وہ کوئی اور نہیں کرسکتا'۔

واضح رہے کہ گزشتہ دنوں بھارت نے پاکستان کے 5 مقامات کو میزائل سے نشانہ بنایا تھا، جس کے جواب میں پاکستانی ایئرفورس نے 3 رافیل طیاروں سمیت 5 بھارتی جہاز مار گرائے تھے۔