پاکستانی شوبز انڈسٹری کے نامور اداکار عمران عباس نے حالیہ پاک بھارت کشیدگی کے تناظر میں وطن کے محافظوں کو ایک خاص اور دل کو چھو لینے والے انداز میں خراجِ تحسین پیش کیا ہے۔

تمام بھارتی فنکاروں کو ان فالو اور بلاک کردیں، دانیہ انور

اداکارہ نے مداحوں کو اہم مشورہ دے دیا

 اداکار نے اپنے سوشل میڈیا پلیٹ فارمز کے ذریعے اپنی آواز میں ملی نغمہ ’اے وطن کے سجیلے جوانو‘ پیش کیا جو انہوں نے ان تمام جوانوں کے نام کیا ہے جو اس نازک اور مشکل گھڑی میں ملک کی سرحدوں کی حفاظت پر مامور ہیں۔

عمران عباس کی جانب سے یہ خراجِ تحسین پاکستان آرمی کیلئے ایک دلکش پیغام ہے جس کے ذریعے انہوں نے اپنی گہری حب الوطنی اور فوج کے لیے اپنی محبت کا اظہار کیا ہے۔

پاکستان بھارت کے درمیان ہونے والی حالیہ کشیدگی میں اداکار عمران عباس کی اس کاوش کو سوشل میڈیا پر ان کے مداحوں اور تمام پاکستانیوں کی جانب سے خوب سراہا جا رہا ہے اور اسے وطن کے لیے ایک مضبوط پیغام قرار دیا جا رہا ہے۔

حنا الطاف کی بالی وڈسلیبریٹیز کے بائیکاٹ کی اپیل

پاک بھارت کشیدگی پر اداکارہ نے مداحوں سے اہم درخواست کرڈالی

دوسری جانب پاکستانی اداکار و پروڈیوسر نبیل ظفر نے بھارت کے جنگی جنون میں مبتلا سیاست دانوں کو ایک واضح اور کرارا جواب دیا ہے۔

 ایک پوڈکاسٹ میں گفتگو کرتے ہوئے نبیل ظفر نے بھارتی جنگی جنونیوں اور انتہا پسندوں کو حقیقت کا آئینہ دکھایا اور خطے میں امن و امان کی اہمیت پر زور دیا۔

نبیل ظفر نے اپنے خیالات کا اظہار کرتے ہوئے کہا کہ پاکستانی قوم اپنے وطن کا دفاع کرنا بخوبی جانتی ہے مگرجنگ کسی بھی مسئلے کا حل نہیں ہوتی بلکہ اس کے نتیجے میں ہمیشہ انسانیت ہی ہار جاتی ہے۔ 

انہوں نے اس بات پر افسوس کا اظہار کیا کہ اگر پاک بھارت تعلقات مزید بگڑتے ہیں تو سرحد کے دونوں جانب بے گناہ اور معصوم لوگ اپنی جانوں سے ہاتھ دھو بیٹھیں گے۔ 

بھارت کا حملہ، پاکستانی فنکار ہم آواز

جوابی کارروائی میں پاکستان نے بھارت کے 5 طیارے مار گرائے

نبیل ظفر نے خطے میں امن کی ضرورت پر زور دیتے ہوئے تمام فریقین سے تحمل اور ہوشمندی کا مظاہرہ کرنے کی اپیل کی ہے۔

واضح رہے کہ بھارت نے 6 اور 7 مئی کی درمیانی شب آزاد کشمیر کے علاقوں کوٹلی، مظفر آباد اور باغ کے علاوہ پنجاب میں مریدکے، بھاولپور اور احمد پور شرقیہ میں شہری آبادی کو میزائلوں سے نشانہ بنایا تھا۔

میڈیا رپورٹس کے مطابق بھارت کے ان بزدلانہ حملوں میں26 پاکستانیوں کے شہید ہونے کی اطلاعات موصول ہوئی تھیں تاہم پاک فوج نے بھی جوابی کارروائی کرتے ہوئے بھارت کے پانچ جدید طیارے مار گرائے تھے۔