معروف پاکستانی اداکار و ہدایتکار یاسر حسین کا تھیٹر پلے 'منکی بزنس' کراچی میں تہلکہ مچانے کے بعد لاہور میں بھی دھوم مچانے کے لیے تیار تھا۔

یاسر حسین کا تھیٹر ڈرامہ منکی بزنس کراچی کے آرٹس کونسل میں 5 سے 20 اپریل تک پیش کیا گیا جس میں بڑی تعداد نے شوبز ستاروں سے شرکت کی۔

اقرا کہے تو اداکاری چھوڑ کر گھر بیٹھ جاؤں گا، یاسر حسین

میں نہیں چاہتا کہ اقرا مشہور ادکارہ ہے تو میں اس کے ساتھ ڈراموں میں آتا رہوں، یاسر...

اس تھیٹر ڈرامے کے مرکزی کردار یاسر حسین اور عمر عالم نے ادا کیے جس میں انہوں نے مزاحیہ انداز میں مختلف موضوعات کو چھیڑا اور خوب پذیرائی حاصل کی۔

کراچی میں کئی روز تک مسلسل کامیاب شوز کرنے اور ناظرین کی ستائش حاصل کرنے کے بعد اب اس تھیٹر ڈرامے کو لاہور میں پیش کیا جانا تھا جس کے ٹکٹس بھی فروخت ہوگئے تھے۔

تاہم پاکستان اور بھارت کے درمیان حالیہ کشیدگی کے سبب اس شو کو غیر معینہ مدت تک کے لیے ملتوی کردیا گیا ہے۔

اس حوالے سے منکی بزنس کے آفیشل انسٹاگرام پیج پر ایک بیان جاری کرتے ہوئے شو کے مؤخر ہونے کا اعلان کیا گیا۔

بیان میں کہا گیا کہ ہم اپنی قوم پر اس بزدلانہ اور بلا اشتعال حملے کی مذمت کرتے ہیں۔

بیان میں مزید کہا گیا کہ 'وہ لوگ جو اس سے متاثر ہوئے ان سے اظہارِ یکجہتی اور موجودہ صورتحال کے احترام میں ہم نے لاہور میں اپنے تھیٹر پلے کی اوپننگ اگلے فیصلہ تک مؤخر کرنے کا فیصلہ کیا ہے۔

یاسر حسین کا تھیٹر پلے عوامی تنقید کے نشانے پر

'منکی بزنس' میں بھارتی مواد بھی شامل

تھیٹر گروپ کا شائقین سے کہنا تھا کہ 'آپ کی حمایت ہمارے لیے بہت اہمیت کی حامل ہے، خریدے گئے تمام ٹکٹس نئی تاریخوں کے لیے کارآمد رہیں گے اور آپ ریفنڈ کی ریکویسٹ بھی کرسکتے ہیں'۔

بیان میں کہا گیا کہ ہم ہنسی کی طاقت پر یقین رکھتے ہیں لیکن اس مشکل وقت میں متحد بھی کھڑے ہیں، اور جلد ہی قہقہے دوبارہ بکھیرنے کے منتظر ہیں، پاکستان زندہ باد