رئیلیٹی ٹی وی اسٹار کلوئی کارڈیشین نے میٹ گالا 2025 میں شاہ رخ خان کے انداز کی تعریف کی، انہوں نے کہا کہ مجھے شاہ رخ خان کے گلے میں پہنے گئے ’کے‘ الفابیٹ والا ہار بہت پسند آیا۔

شاہ رخ خان کے میٹ گالا کے لُک کو سوشل میڈیا پر مختلف آراء مل رہی ہیں، کچھ لوگوں نے ان کے لباس کو ماند جبکہ کچھ نے اسے معیاری قرار دیا۔

تاہم، کلوئی کارڈیشین نے اپنے اسنیپ چیٹ اکاؤنٹ پر شاہ رخ خان کی تعریف کی۔

شاہ رخ خان کا 'میٹ گالا ڈیبیو' مداحوں کیلئے باعثِ شرمندگی بن گیا

لُک سے مایوس مداحوں کے زخموں پر شاہ رخ خان کے انٹرویو نے مزید نمک چھڑک دیا

انہوں نے کہا کہ کنگ خان، میں آپ کے ’کے‘ والے ہار کی بہت مداح ہوں، وہ دلکش لگ رہے تھے۔

انہوں نے مزید کہا کہ یہ بہت خوبصورت تھا دیکھنا کہ کیسے دنیا کے بہترین ڈیزائنرز نے میٹ گالا کی تھیم کو مدنظر رکھتے ہوئے اپنے لباس کا انتخاب کیا تھا۔

کلوئی نے یہ بھی ذکر کیا کہ شاہ رخ خان کی آؤٹ فٹ سبیا ساچی مکھرجی نے ڈیزائن کی تھی اور وہ میٹ گالا میں انہیں دیکھ کر بہت خوش ہوئیں۔

کلوئی نے اس بات کا بھی ذکر کیا کہ شاہ رخ خان میٹ گالا میں شرکت کرنے والے پہلے بالی ووڈ اداکار ہیں۔

کلوئی کارڈیشین کی اس تعریف پر شاہ رخ خان کے مداح خوش ہیں اور ان کی اسٹائل کے شعور کو سراہ رہے ہیں۔

میٹ گالا 2025 میں شاہ رخ خان کا شاندار ڈیبیو

شاہ رخ خان نے اس سال نیویارک کے میٹروپولیٹن میوزیم آف آرٹ میں ہونے والے دنیا کے سب سے بڑے فیشن ایونٹ میٹ گالا میں پہلی بار شرکت کی۔

غیر ملکی میڈیا شاہ رخ خان کو پہچاننے میں ناکام کیوں؟

اداکار نے ایک مرتبہ بتایا تھا کہ وہ ہالی وڈ میں کام کیوں نہیں کرتے۔

وہ معروف ڈیزائنر سبیاساچی مکھرجی کے تیار کردہ لباس میں ریڈ کارپٹ پر جلوہ گر ہوئے۔

اس سال میٹ گالا کا تھیم ٹیلرنگ بلیک اسٹائل تھا،جس کے تحت شاہ رخ نے تسمانین سپر فائن اون سے تیار کردہ ایک لمبا کوٹ پہنا، جس میں جاپانی ہارن بٹن کی نفیس کڑھائی کی گئی تھی۔

ان کی لک کو ایک شاہکار بنگال ٹائیگر ہیڈ کین کے ساتھ مکمل کیا گیا، جو 18 قیراط سونے سے تیار کردہ تھی اور جس پر ٹورملین، سفائر اور ہیروں کا کام کیا گیا تھا،اس کے علاوہ انہوں نے ایک منفرد K ہار بھی زیب تن کیا۔