پاکستانی اداکاروں نے ملک کے کامیاب دفاع اور بھارت کو منہ توڑ جواب دینے پر پاک فوج کو خراج تحسین پیش کیا ہے، عمران اشرف، احسن خان اور یاسر نواز نے پاک فوج کےحق میں اپنے پیغامات شیئر کیے ہیں۔

معروف اداکار عمران اشرف نے کہا کہ اللہ نے پاکستان کو سرخرو کردیا ہے، پاکستان کی عوام بھی سرخرو ہوگئی ہے۔

بھارت کا حملہ، پاکستانی فنکار ہم آواز

جوابی کارروائی میں پاکستان نے بھارت کے 5 طیارے مار گرائے

انہوں نے کہا کہ بھارت کے خلاف ہمارا آپریشن بنیان مرصوص کامیاب ہوا ہے ، پاکستانی عوام نے پاکستانی افواج کے ساتھ شانہ بشانہ رہ کر یہ بات ثابت کردی ہے کہ جب بھی ہمارے وقار اور سالمیت پر حرف آئے گا تو ہم ایک قدم بھی پیچھے نہیں ہٹیں گے۔

ان کا کہنا تھا کہ ہماری افواج نے یہ بات ثابت کردی ہے کہ اگر دنیا کی کوئی بھی طاقت ہمارے اوپر میلی آنکھ سے دیکھے گی تو اس کا وہی حال ہوا ہے جو دنیا نے اپنی آنکھوں سے دیکھا ہے۔

یاسر نواز نے کہا کہ جنگ ختم ہونے کے بعد قوم اور فوج دونوں سرخرو ہوگئے ہیں ، اچھی بات یہ ہے کہ آخری تھپڑ ہماری طرف سے گیا ہے ، پاک فوج کو سلام ، خاص طور پر ہماری ائیر فورس کو سلام ، پاکستان زندہ باد۔

احسن خان نے کہا کہ پوری دنیا میں ہماری قوم کا اور ہماری فوج کا نام بلند ہوا ہے ، بہت زیادہ عزت ملی ہے ہم سب کو اور بیشک عزت رب کے ہاتھ میں ہے ۔

احسن خان نے مزید کہا کہ ہم ہمیشہ سنتے آئے ہیں کہ قوم کا دفاع مضبوط ہاتھوں میں ہے اور الحمد اللہ آج یہ ثابت بھی ہوگیا۔

رابعہ کلثوم کا فنکاروں کو 'چپیڑیں' مارنے کا اعلان

جو پاکستانی فنکار بھارت میں کام کرے گا اسے چپیڑیں ماروں گی

واضح رہے کہ بھارت نے پہلگام واقعے کے بعد پاکستان پر الزام تراشیاں شروع کردی تھیں اور پھر رات کی تاریکی میں معصوم شہریوں کو حملے کا نشانہ بنایا تھا جس میں کئی بچے بھی شامل تھے۔

بھارت نے اس کے بعد پاکستان کے کئی شہروں میں فوجی تنصیبات اور شہریوں کو نشانہ بنایا جس میں جانی نقصان ہوا ۔

پاکستانی افواج نے پھر بھرپور کارروائی کرتے ہوئے آپریشن بنیان مرصوص لانچ کیا جس میں بھارت کے کئی شہروں کو نشانہ بنایا گیا اور کئی فوجی اڈے تباہ کیے گئے، جس سے بھارت امریکا سے مدد مانگنے پر مجبور ہوگیا اور پھر امریکی صدر ڈونلڈ ٹرمپ کی ثالثی کی بنا پر پاکستان نے بھارت کے ساتھ جنگ بندی قبول کرلی۔