معروف اداکار رنبیر کپور نے انکشاف کیا ہے کہ وہ اپنی بیٹی کو ایک دن میں 20 مرتبہ کال کیا کرتے تھے۔

ایک انٹرویو میں رنبیر نے  کام کی مصروفیات کی وجہ سے اپنی بیٹی راہا سے دور رہنے کا درد بھرپور انداز میں بیان کیا۔

ایک نرم مسکراہٹ اور جذباتی لہجے کے ساتھ رنبیر نے کہا کہ مجھے اس کی بہت یاد آتی ہے، بہت زیادہ، کم از کم 20 بار تو میں ویڈیو کال کر لیتا ہوں۔

ان کے انداز سے صاف ظاہر ہو رہا تھا کہ وہ اپنی بیٹی کی کمی کس شدت سے محسوس کر رہے ہیں۔

راہا کی تصاویر ہٹانے کی ممکنہ وجہ سامنے آگئی

عالیہ نے بتایا کہ وہ بیٹی کی پیدائش کے بعد سے ہی بہت زیادہ فکر مند رہتی...

انہوں نے مزید بتایا کہ جب میں دہلی میں شوٹنگ کر رہا تھا، جب بھی چھٹی ملتی تھی، میں ایک دن کے لیےگھر آ جاتا تھا، میرا خیال ہے کہ وہ ایک دن بھی بہت سکون دیتا ہے، آپ ری چارج ہو کے دوبارہ کام پر جا سکتے ہیں، ابھی مجھے اسے دیکھے 6 دن ہو گئے ہیں اور مجھے بہت یاد آ رہی ہے۔

رنبیر اور راہا کے درمیان مضبوط بانڈ کئی مواقع پر نظر آتا رہتا ہے، عالیہ بھٹ نے ایک بار انکشاف کیا تھا کہ رنبیر کا ایک معمول بن چکا ہے کہ وہ ہر دن اپنی بیٹی کے پسندیدہ کونے میں اس کے ساتھ پرسکون وقت گزارتے ہیں تاکہ وہ ان کی موجودگی کو محسوس کر سکیں چاہے شیڈول کتنا ہی مصروف کیوں نہ ہو۔

راہا کپور کی تصویر کھینچنے پر پاپارازی کے خلاف قانونی کارروائی کی تنبیہ

رنبیر اور عالیہ نے پاپارازیوں سے عاجزا نہ انداز میں راہا کی تصویریں نہ...

یہ جوڑا پوری کوشش کرتا ہے کہ راہا کو کبھی ماں یا باپ کی غیر موجودگی کا احساس نہ ہو، اسی لیے دونوں نے اپنی مصروفیات کو اس طرح ترتیب دیا ہے کہ کم از کم والدین میں سے کوئی ہمیشہ اس کے ساتھ موجود رہتا ہے

رنبیر کی بہن ردھیما کپور سہنی نے ایک بار کہا تھا تھاجب وہ راہا کے بارے میں بات کرتا ہے تو اس کی آنکھیں چمکنے لگتی ہیں، وہ اس کے ساتھ ایک مختلف انسان بن جاتا ہے۔

دوسری طرف عالیہ بھٹ ہر روز راہا کو ایک ای میل لکھتی ہیں جس میں وہ چھوٹے چھوٹے لمحات اور یادیں محفوظ کرتی ہیں۔

 اس سے متاثر ہو کر رنبیر نے بھی ایک بار کہا تھا کہ وہ بھی اپنی بیٹی کے لیے خط لکھنا چاہتے ہیں اور جیسے جیسے وہ بڑی ہوگی، وہ یہ روایت شروع کرنے کا ارادہ رکھتے ہیں۔