سینیئر اداکار پریش راول نے بالی وڈ کی سب سے زیادہ پسند کی جانے والی کامیڈی فرنچائز ہیرا پھیری کے حوالے سے شائقین کو بڑی خبر دے دی۔

بالی وڈ ہنگامہ کو دیے ایک خصوصی انٹرویو میں پریش راول نے نہ صرف اپنے آنے والی فلموں کے حوالےسے خصوصی اطلاعت فراہم کیں بلکہ ہیرا پھیری کے حوالے سے بھی بات کی۔

ہیراپھیری 3 کے اعلان پر کاسٹ بھی خوشی سے جھوم اٹھی

اکشے کمار، پاریش راول اور سنیل شیٹی نے فلم کے تیسرے سیکوئل کیلئے اپنا ردِ عمل دے...

حال ہی میں یہ خبریں آئی تھیں کہ ہیرا پھیری 3 کی مہورت شوٹ حال ہی میں ہوئی تھی اور اس نے کافی جوش و خروش پیدا کیا تھا۔

اس بارے میں پریش راول نے کہا کہ 'جب ہیرا پھیری کی بات آتی ہے تو ردعمل ہمیشہ مثبت ہوتے ہیں، یہ سب سے زیادہ پسند کی جانے والی فرنچائز ہے۔'

اداکار نے فلم کے بارے میں زیادہ معلومات نہیں دیں لیکن جب ان سے پوچھا گیا کہ یہ کب فلور پر جائے گا تو انہوں نے جواب دیا کہ 'ہم جنوری یا فروری 2026 میں شوٹنگ کرنے کا ارادہ رکھتے ہیں۔

ساتھ ہی انہوں نے ویلکم ٹو دی جنگل پر بھی ایک اپ ڈیٹ بھی شیئر کی، یہ دونوں مزاحیہ فلمیں فیروز اے ناڈیاڈوالا کی پروڈکشن میں بن رہی ہیں۔

’ہیرا پھیری 3‘ میں کارتک کی انٹری؟ پریش راول نے حقیقت بتادی

اداکار پریش راول کا تازہ انٹرویو مداحوں میں مقبول

اداکار نے انکشاف کیا کہ ویلکم ٹو دی جنگل کی شوٹنگ مکمل نہیں ہوئی اور امید ہے کہ جولائی یا اگست میں دوبارہ شروع ہو جائے گی۔

ڈائریکٹر پریا درشن کی ہدایات میں بننے والی فلم بھوت بنگلہ کے بارے میں پریش کا کہنا تھا کہ 'بھارت میں اب تک کوئی ہارر فلم اتنی خوبصورتی کے ساتھ شوٹ نہیں کی گئی، یہ بہترین ہے، پریا درشن بہت زبردست فلمساز ہیں۔

پریش راول کے لیے پائپ لائن میں یہ واحد ہارر کامیڈی نہیں ہے، وہ تھاما میں بھی کام کر رہے ہیں، جس میں آیوشمان کھرانہ، رشمیکا منڈنا اور نوازالدین صدیقی شریک ہیں۔

یہہ فلم دیوالی 2025 کو ریلیز ہونے کا امکان ہے اور اس کا تعلق انتہائی کامیاب میڈوک ہارر کامیڈی سنیماٹک یونیورس سے ہے، جنہوں نے استری، منجیا، بھیڑیا جیسی فلمیں بنائیں۔