تھائی لینڈ برطانوی سیاحوں کے لیے ایک نہایت مقبول سیاحتی مقام ہے، تاہم ایشیا میں ہی ایک اور ایسا ملک موجود ہے جسے بعض لوگ تھائی لینڈ سے بھی بہتر قرار دیتے ہیں۔

اگرچہ تھائی لینڈ سیاحت کے حوالے سے دنیا بھر میں شہرت رکھتا ہے اور خاص طور پر برطانوی مسافروں اور بیک پیکرز کے لیے یہ ثقافت، قدرتی حسن اور سرگرمیوں سے بھرپور تعطیلات کا بہترین انتخاب سمجھا جاتا ہے۔

 ایشیا میں دیگر ممالک بھی موجود ہیں جہاں نہ صرف حسین ساحل، مہمان نواز عوام اور دلفریب قدرتی مناظر موجود ہیں بلکہ اخراجات بھی نسبتاً کم ہیں۔

فلپائن جنوب مشرقی ایشیا میں واقع ایک ایسا ملک ہے جو 7,000 سے زائد جزیروں پر مشتمل ہے۔

پاکستانیوں کے لیے ترکی ویزا فیس کتنی؟

  اسکرین گریبترکی ایک ایسا ملک ہے جو تاریخ، ثقافت اور قدرتی حسن کو بے مثال...

 یہاں شاندار ساحلی مناظر، بہترین ہائیکنگ ٹریکس، قدرتی مقامات اور سیاحوں کے لیے بے شمار سرگرمیاں موجود ہیں۔ معروف سیاحتی ویب سائٹ ‘ٹریول آتھنٹک ایشیا‘ کے مطابق فلپائن میں کھانے پینے کی اشیاء اور دیگر اخراجات تھائی لینڈ کی نسبت کافی سستے ہیں۔

فلپائن سالانہ 10 ملین سے بھی کم سیاحوں کو خوش آمدید کہتا ہے جبکہ تھائی لینڈ ہر سال تقریباً 40 ملین سیاحوں کی میزبانی کرتا ہے۔

 زیادہ رش اور اخراجات کی وجہ سے اب کئی سیاح تھائی لینڈ کے بجائے فلپائن کو ایک متبادل اور پُرکشش سیاحتی مقام کے طور پر دیکھ رہے ہیں۔

ایسے میں جب سیاحت کے شوقین افراد کسی منفرد، خوبصورت اور نسبتاً کم خرچ منزل کی تلاش میں ہوں، تو فلپائن بلاشبہ ایک بہترین انتخاب ثابت ہو سکتا ہے۔