شاہ رخ خان کی فلم ’سوادیس‘ سے کون واقف نہیں لیکن اس فلم کے ایک قصے کا عرصے بعد راز فاش ہوا ہے جس نے سب کو ہی خوشگوار حیرت میں مبتلا کردیا ہے۔

 شاہ رخ خان صرف کنگ خان نہیں بلکہ بالی وڈ کے سب سے بڑے جینٹلمین بھی ہیں۔ ان کی فلمیں تو سب نے دیکھی ہوں گی، لیکن آج ایک ایسے واقعے کا ذکر ہے جو ان کے حقیقی کردار کی عکاسی کرتا ہے۔

شاہ رخ خان چاہ کر بھی یہ سپر ہٹ فلمیں کیوں نہ کرسکے؟

بھارتی اداکار شاہ رخ خان نے بالی وڈ کی دو سپر ہٹ فلموں کیلئے حامی بھرنے کے باوجود...

یہ قصہ ہے فلم ’سوادیس‘ کے سیٹ کا جہاں شاہ رخ خان اور ان کے کو اسٹار دیا شنکر پانڈے ایک سین کی شوٹنگ کر رہے تھے اس سین میں دیا بائیک چلا رہے تھے اور شاہ رخ خان پیچھے بیٹھے تھے۔ لیکن دیا کو بائیک چلانی ٹھیک سے نہیں آتی تھی… اور بس، ہوا کچھ یوں کہ جیسے ہی بائیک چلی، وہ قابو سے باہر ہو گئی، اور شاہ رخ خان زور سے زمین پر گِر پڑے۔ دیا نے ڈر کے مارے بائیک چھوڑ دی اور ایک طرف ہو گئے۔ سیٹ کا ماحول ایک دم سنجیدہ ہو گیا۔ شاہ رخ پہلے ہی کمر کے شدید درد میں مبتلا تھے، اور موقع پر ان کا فزیو بھی موجود تھا۔

وہ 7 بلاک بسٹر فلمیں جو عامر خان ٹھکرا کر پچھتائے

عامر کے انکار کے بعد شاہ رخ اور سلمان نے وہ فلمیں امر کردیں۔

دیا شنکر پانڈے کے مطابق وہ خوف سے اتنے کانپ رہے تھے کہ شاہ رخ خان کو اٹھنے میں بھی مدد نہ دے سکے۔ انہیں لگا، بس اب ان کا فلمی کیریئر ختم ہو گیا ہے۔ مگر تب ہوا وہ لمحہ، جو صرف ایک بڑے دل والے انسان ہی کا ہو سکتا ہے۔

شاہ رخ خان خود اُٹھے، دیا کے پاس آئے، ان کے کندھے پر ہاتھ رکھا، اور دھیرے سے کہا کہ ‘مجھے پتا تھا تمہیں بائیک چلانی نہیں آتی‘، پھر وہ  آشوتوشکی طرف مڑے اور بولے ‘آشو، چلو شاٹ لیتے ہیں۔’

جب آشو نے دیا کو غصے سے دیکھا تو شاہ رخ نے کہا کہ ‘کیا دیکھ رہے ہو؟ میری غلطی تھی بائیک کا توازن میں نے کھویا۔’

شاہ رخ کی سپر ہیرو کے روپ میں ہالی وڈ میں انٹری؟

افواہیں ہیں کہ اداکار مارول یونیورس میں قدم رکھنے کے لیے بات چیت کرررہے ہیں۔

خیال رہے کہ 2004 میں ریلیز ہونے والی اس فلم میں شاہ رخ خان کی بطور موہن پرفارمنس کو بے حد سراہا گیا تھا۔

فلم میں شاہ رخ کی ہیروئن کا کردار گائیتری جوشی نے نبھایا لیکن فلم کی کہانی زیادہ تر اداکار کے گرد ہی گھومتی رہی۔

25 کروڑ روپے میں بننے والی اس فلم کا بزنس 34.6 کروڑ روپے رہا اور اس فلم کے لیے بھی فلمسازوں کی پہلی پسند عامر خان ہی تھے۔