ہالی ووڈ کے عالمی شہرت یافتہ اداکار ٹام کروز کی ایکشن سے بھرپور فلم ‘مشن امپاسیبل 8: دی فائنل ریکننگ‘ نے امریکا میں باضابطہ ریلیز سے قبل ہی بین الاقوامی سطح پر 12 ملین ڈالرز کی شاندار کمائی کرلی ہے۔

ٹام کروز کی دولت اور شاندار طرز زندگی پر ایک نظر

وہ صرف ایک اداکار نہیں بلکہ ایک کامیاب بزنس مین بھی ہیں

بین الاقوامی میڈیا رپورٹس کے مطابق فلم کو ابتدائی طور پر پانچ ممالک جاپان، جنوبی کوریا، آسٹریلیا، نیوزی لینڈ اور بھارت میں 17 مئی کو ریلیز کیا گیا، جہاں اسے شاندار پذیرائی حاصل ہوئی۔

 فلم کی عالمی ریلیز 23 مئی کو متوقع ہے، جبکہ چین میں یہ 30 مئی کو سنیما گھروں کی زینت بنے گی، جو فلم کی بین الاقوامی حکمتِ عملی میں ایک اہم سنگِ میل تصور کیا جا رہا ہے۔

جنوبی کوریا میں فلم نے ویک اینڈ کے دوران 7.5 لاکھ ٹکٹوں کی فروخت کے ساتھ 5 ملین ڈالرز کی ریکارڈ کمائی کی، جو سال 2025 میں اب تک کسی بھی فلم کے لیے سب سے زیادہ ہے۔

مشن امپاسیبل: دی فائنل ریکوننگ کا نیا ٹریلر جاری

یہ سب کچھ حقیقت نہیں ہو سکتا

اسی طرح بھارت میں فلم نے ابتدائی دنوں میں 4 ملین ڈالرز، جاپان میں 2 ملین ڈالرز جبکہ آسٹریلیا اور نیوزی لینڈ میں مجموعی طور پر 1 ملین ڈالرز کا بزنس کیا ہے۔

فلمی تجزیہ کاروں کے مطابق ’مشن امپاسیبل 8‘ کی عالمی ریلیز کے بعد یہ فلم ممکنہ طور پر 1 ارب ڈالرز سے زائد کا بزنس کر سکتی ہے، اور اس جانب اس کی کامیاب پیش قدمی جاری ہے۔

امریکا میں ریلیز سے قبل ہی فلم کی کمائی 20 ملین ڈالرز سے تجاوز کرنے کی پیشگوئی کی جا رہی ہے، جبکہ صرف شمالی امریکا میں اوپننگ ویک اینڈ پر 100 ملین ڈالرز سے زائد آمدنی متوقع ہے۔

ٹام کروز کی یہ نئی فلم ایک بار پھر ’مشن امپاسیبل‘ فرنچائز کو دنیا بھر کے باکس آفسز پر حکمرانی کی راہ پر گامزن کر رہی ہے۔