ہالی وڈ کے مشہور اداکار ٹام کروز کی اپنے ایک پاکستانی مداح سے ملاقات کی ویڈیو ان دنوں سوشل میڈیا پر خوب وائرل ہو رہی ہے۔

مہراب احمد نے فوٹو اینڈ ویڈیو شیئرنگ پلیٹ فارم انسٹاگرام پر ایک جذباتی ویڈیو پوسٹ کی ہے، جس میں وہ ٹام کروز سے ملاقات کرتے نظر آ رہے ہیں۔

ویڈیو میں مہراب ٹام کروز سے نہایت جوش اور خلوص سے بات کرتے ہوئے بتاتے ہیں کہ اداکار کے فلمی سفر نے انہیں زندگی میں آگے بڑھنے اور ہار نہ ماننے کا حوصلہ دیا۔

ٹام کروز نہ صرف ان کی باتوں کو غور سے سنتے ہیں بلکہ ان کی ہمت افزائی بھی کرتے ہیں اور انہیں اپنے جذبے کے ساتھ آگے بڑھتے رہنے کا مشورہ دیتے ہیں۔

مہراب نے ویڈیو کے ساتھ لکھا کہ میرے لیے ٹام کروز ہمیشہ صرف ایک اداکار نہیں رہے، وہ میری رہنمائی کرنے والا ستارہ رہے ہیں۔

ٹام کروز کی دولت اور شاندار طرز زندگی پر ایک نظر

وہ صرف ایک اداکار نہیں بلکہ ایک کامیاب بزنس مین بھی ہیں

انہوں نے مزید بتایا کہ بچپن میں ان کا خواب اداکار بننے کا تھا لیکن زندگی نے ایک نیا رخ اختیار کیا،وہ اب برطانیہ سے آرٹیفیشل انٹیلیجنس میں گریجویٹ ہیں اور بچوں کو مائن کرافٹ کوڈنگ سکھاتے ہیں۔

اپنی پوسٹ میں انہوں نے لکھا کہ پھر 15 مئی 2025 کو وہ لمحہ آیا جب میں اُس شخص کے سامنے کھڑا تھا، جس کے بارے میں اسٹیون اسپیلبرگ نے کہا تھا کہ اس نے ہالی وڈ کو بچایا، مگر میرے لیے اس شخص نے صرف ہالی وڈ نہیں بلکہ میری زندگی بھی بچائی۔

مہراب نے بتایا کہ انہوں نے ٹام کروز کے سامنے 143 سیکنڈز کی ایک چھوٹی مگر دل سے نکلی ہوئی تقریر کی، جسے اداکار نے نہ صرف توجہ سے سنا بلکہ ان کا شکریہ بھی ادا کیا اور مستقبل میں کامیابی کی دعا کے ساتھ رخصت کیا۔

یہ ملاقات ایک ایسی یادگار اور متاثر کن مثال ہے جو یہ ثابت کرتی ہے کہ کبھی کبھار ہمارے ہیرو ہمیں زندگی میں وہ امید دیتے ہیں جو ہم خود میں تلاش نہیں کر پاتے۔

ٹام کروز کی حالیہ مصروفیات:

ٹام کروز کی حالیہ مصروفیات میں ان کی آئندہ فلموں کی تشہیر اور کچھ نئے پروجیکٹس شامل ہیں۔ ان کی سب سے اہم فلم مشن امپاسیبل - دی فائنل ریکننگ ریلیز ہوگئی ہے۔

یہ فلم مشن امپاسیبل سیریز کی آٹھویں قسط ہے اور اسے سیریز کا آخری حصہ سمجھا جا رہا ہے۔

ٹام کروز کا بالی وڈ فلم بنانے کی خواہش کااظہار

ایسی فلمیں بنانا چاہتا ہوں جس میں رقص اور گانے بھی شامل ہوں

اس فلم کا پریمیئر ٹوکیو میں 5 مئی 2025 کو ہوا اور یہ 14 مئی 2025 کو کانز فلم فیسٹیول میں بھی دکھائی گئی۔

ریاست ہائے متحدہ امریکا میں اسے 23 مئی 2025 کو ریلیز کیا جانا ہے، ہندوستان میں یہ 17 مئی کو ریلیز ہو چکی ہے اور ابتدائی رپورٹس کے مطابق اسے شاندار پذیرائی مل رہی ہے۔

ٹام کروز اس فلم کی پروموشن میں مصروف ہیں اور حال ہی میں نیویارک میں فلم کے پریمیئر میں شریک ہوئے،اس فلم میں بھی ٹام کروز نے خطرناک اسٹنٹس خود کیے ہیں، جن میں ہوائی جہاز سے لٹکنا اور پانی کے اندر کے طویل سیکوئنس شامل ہیں۔