پاکستانی اداکارہ سونیا حسین نے اپنی شادی کے بعد شوبز کی دنیا سے کنارہ کشی اختیار کرنے کے حوالے سے موقف جاری کردیا۔

بالی وڈ اداکارہ ’سری دیوی‘ کا پاکستانی ورژن کہلائی جانے والے اداکارہ سونیا حسین نے سال 2011 میں ٹی وی اسکرینز کی زینت بننے والے ڈرامے ’دریچہ‘ میں ایک معاون کردار نبھاتے ہوئے اداکاری کی دنیا میں قدم رکھا جس کے بعد وہ متعدد ڈراموں میں لیڈنگ رولز کرتی نظر آئیں۔

سونیا حسین نے اپنی فیملی پلاننگ کا راز کھول دیا

انہوں نے اس امید کا اظہار کیا کہ وہ مستقبل میں ضرور شادی کریں گی

سونیا حسین فلم ’مور‘ میں ’امبر‘ نامی کردار ادا کرتی دکھیں جبکہ فلم ’آزادی‘ میں انہوں نے مرکزی کردار نبھایا۔

سونیا حسین ان دنوں اپنی آنے والی فلم 'دیمک' کی پروموشن میں مصروف ہیں۔ یہ فلم عیدالاضحیٰ کے موقع پر ریلیز کی جائے گی، جس میں فیصل قریشی، ثمینہ پیرزادہ اور دیگر نامور اداکار شامل ہیں۔

سونیا حسین جلد ہم ٹی وی کے نئے ڈرامہ سیریل 'معصوم' میں بھی اداکاری کرتی نظر آئیں گی جس میں ان کے ہمراہ عمران اشرف اور میکال ذوالفقار شامل ہیں۔ 

’عشق زہے نصیب‘ ، ’محبت تجھے الوداع‘ اور ’میری گڑیا‘ جیسے ڈراموں میں بہترین اداکاری کے جوہر دکھانے والی اداکارہ سونیا حسین نے یوٹیوبر و سینئر صحافی عمبرین فاطمہ کو انٹرویو دیا جس میں اُن سے شادی اور شادی کے بعد اداکاری جاری رکھنے کے حوالے سے سوال کیا گیا۔

'محبت میں بےعزتی قبول نہیں'، سونیا حسین کا لڑکیوں کو مشورہ

سونیا حسین کی محبت میں مبتلا لڑکیوں کو تنبیہ

اس سوال پر سونیا حسین نے جواب دیا کہ 'جب اچھا لڑکا ملے گا تو شادی کروں گی، میری خواہش ہے کہ میرا شوہر تعلیم یافتہ، شائستہ، خوش اخلاق اور اچھے خاندانی اقدار والا ہو، جیسا کہ ہمارے ہاں ہوتا ہے۔'

انہوں نے کہا کہ 'اگر میرے شوہر کو میری اداکاری پسند نہ آئی تو میں اداکاری چھوڑ دوں گی کیونکہ میں پروڈکشن میں آ چکی ہوں اور اسی پر توجہ دینا چاہتی ہوں، میں چند سال مزید اداکاری کروں گی اور اس کے بعد چھوڑنے میں مجھے کوئی مسئلہ نہیں ہو گا۔'

یاد رہے کہ سونیا حسین کی پہلی شادی 2012 میں ہوئی تھی، جو کچھ عرصے بعد علیحدگی پر منتج ہوئی۔