بالی وڈ  فلم انڈسٹری کی دلکش اداکارہ سروین چاولہ نے بالی وڈ   کے تاریک پہلوؤں کو بے نقاب کرتے ہوئے مداحوں سے اہم انکشاف کردیا۔

اسکوئیڈ گیم کے معروف اداکار کو جنسی ہراسانی پر قید کی سزا

اگر میرے الفاظ یا اعمال غلط تھے تو میں نتائج قبول کروں گا، اداکار

 اداکارہ سروین چاولہ نے حال ہی میں ایک انٹرویو میں شرکت کی جہاں انہوں نے مداحوں سے اپنی نجی زندگی سے لیکر پروفیشنل فرنٹ تک ہر پہلو پر کھل کر بات کی۔

 تاہم انٹرویو سے اداکارہ کی جانب سے بالی وڈ فلم انڈسٹری میں کاوٹنگ کاؤچ کلچر پر کی جانے والی گفتگو مداحوں کی توجہ کا مرکز بن گئی۔

ہوٹر فلائی کو دیے گئے ایک حالیہ انٹرویو میں سروین چاولہ نے بالی وڈ انڈسٹری کو ‘گھٹیا‘ قرار دیتے ہوئے کہا کہ کاسٹنگ کاؤچ کا رجحان بالی وڈ میں کافی زیادہ ہے جس سے نظریں چرانا ممکن نہیں۔

وجے راز کیخلاف جنسی ہراسانی کیس میں بڑی پیش رفت

وجے راز نے فلم 'شیرنی' کی شوٹنگ کے دوران جنسی طور پر ہراساں کیا، خاتون کولیگ

سروین نے مداحوں سے انکشاف کرتے ہوئے بتایا کہ انہیں شادی سے پہلے اور بعد  میں دونوں صورتوں میں کاسٹنگ کاؤچ کا نشانہ بنایا گیا۔

اداکارہ نے اپنے کریئر کے کئی افسوسناک  واقعات کو یاد کیا جہاں ڈائریکٹرز اور پروڈیوسرز نے  انہیں نامناسب پیشکش کی اور ایک دفعہ تو  ایک ڈائریکٹر  نے انہیں انٹرویو کے بہانے اپنے دفتر بلاکر زبردستی بوسہ لینے کی کوشش بھی کی۔

سروین نے مزید انکشاف کیا کہ اسی ڈائریکٹر  نے ان کے اور ان کے شوہر کےازدواجی تعلقات کے بارے میں  ذاتی اور نامناسب سوالات  بھی پوچھے جن میں ان کی قربت کے بارے میں نجی سوالات بھی شامل تھے۔ 

اداکارہ نے بتایا کہ یہ سب سننے کے بعد وہ غصے میں  میٹنگ روم سے باہر نکل گئیں لیکن ڈائریکٹر نے ان کا پیچھا کیا اور دروازے پر دوبارہ بوسہ لینے کی کوشش کی۔

'من مست ملنگ' میں رومانوی سین کے نام پر ہراسانی دکھائی گئی؟

دانش تیمور کے ڈرامے میں رومانوی سین پر شدید عوامی ردِعمل

سروین  نے تامل فلم انڈسٹری میں پیش آنے والے ایک واقعے کے بارے میں بھی بات کرتے ہوئے بتایا جہاں ایک فلم ساز  نے فلم کے کردار کے بدلے جنسی تعلقات کا مطالبہ کیا جس  پر وہ غصے میں  دفتر سے چلی گئیں۔

واضح رہے کہ سروین چاولہ اس سے قبل بھی بھارتی فلم انڈسٹری میں موجود ٹاکسک کلچر  پر  بات کر چکی ہیں۔ 

انہوں نے پہلے بھی انکشاف کیا تھا کہ کچھ فلم سازوں نے نامناسب مطالبات کیے تھے جن میں ان کے انڈر گارمنٹس دکھانے یا ان کے جسم کے بارے میں تبصرے کرنا شامل تھا۔