بھارت کے معروف فلم ساز سنجے لیلا بھنسالی کی بھانجی اور نیٹ فلکس کی ہٹ سیریز ‘ہیرامنڈی‘ کی اداکارہ شرمین سیگل کے ہاں ایک بیٹے کی پیدائش ہوئی ہے۔

 صحافی وکی لالوانی کے مطابق شرمین اور ان کے شوہر امان مہتا کے پہلے بچے کی پیدائش 28 مئی 2025 کو ہوئی ہے تاہم اس جوڑے نے ابھی تک سوشل میڈیا پر اس بارے میں کوئی باضابطہ اعلان نہیں کیا ہے۔

بات کی جائے اداکارہ شرمین سیگل کی تو اداکارہ کی شادی امان مہتا سے ہوئی ہے جو ٹورنٹ گروپ کی ذیلی کمپنی ٹورنٹ فارماسیوٹیکلز میں ایگزیکٹو ڈائریکٹر کے عہدے پر فائز ہیں۔

رادھیکا مرچنٹ کے ہاں جڑواں بچوں کی آمد متوقع؟

رادھیکا کے حاملہ ہونے کی افواہیں زور پکڑ گئیں

 اس جوڑے نے نومبر 2023 میں اٹلی میں ایک نجی شادی کی تقریب میں سات پھیرے لیے تھے شرمین شادی کے بعد ابتدا میں احمد آباد منتقل ہو گئی تھیں لیکن حالیہ مہینوں میں وہ ممبئی میں مقیم ہیں۔ 

شرمین سیگل اور امان مہتا کے ہاں بیٹے کی آمد اس جوڑے کے لیے ایک دلی نئی شروعات ہے جس نے بھنسالی خاندان میں بے پناہ خوشیاں بکھیر دی ہیں۔

بھارتی میڈیا اطلاعات کے مطابق بھنسالی خاندان جس میں شرمین، امان، سنجے لیلا بھنسالی اور ان کے والدین دیپک اور بیلا بھنسالی سیگل شامل ہیں اور  بچے کی آمد پر بے حد خوش ہیں۔

فاطمہ بھٹو کے ہاں ننھے مہمان کی آمد

ننھے مہمان کی آمد کی اطلاع اپنی ایک ایکس پوسٹ کے ذریعے دی۔

جیسے جیسے شرمین اپنی فلمی سفر میں آگے بڑھ رہی ہیں ان کے پیاروں اور مداحوں کی غیر متزلزل حمایت ان کی طاقت کا ستون بنی ہوئی ہے۔

واضح رہے کہ کام کے محاذ پر شرمین سیگل آخری بار سنجے لیلا بھنسالی کی نیٹ فلکس سیریز ‘ہیرامنڈی‘ میں نظر آئیں جوکہ گزشتہ سال مئی میں ریلیز ہوئی تھی انہوں نے اس تاریخی ڈرامے میں عالم زیب کا کردار ادا کیا تھا۔

شرمین سیگل نے اپنے کریئر کا آغاز 2019 میں فلم ‘ملا ل‘ سے اداکاری کے میدان میں قدم رکھا تھا جسے سنجے لیلا بھنسالی نے پروڈیوس کیا تھا۔

عالیہ بھٹ کے ہاں دوسرے بچے کی آمد متوقع؟

کانز میں شرکت کے بعد افواہیں زور پکڑنے لگیں

اداکاری کی دنیا میں قدم رکھنے سے پہلے انہوں نے فلموں جیسے ‘باجی راؤ مستانی‘ میں بطور اسسٹنٹ ڈائریکٹر کام کرکے پرعڈکشن کے کام کا تجربہ حاصل کیا۔

نیٹ فلکس کے پیریڈ ڈرامہ ‘ہیرامنڈی’ میں عالم زیب کا کردار اب تک شرمین کی سب سے نمایاں پرفارمنسز میں سے ایک ہے اور  ہارر کامیڈی ‘اتیتی بھوتو بھاوا‘ میں بھی نظر آئیں جہاں انہوں نے جیکی شراف اور پرتیک گاندھی کے ساتھ اسکرین شیئر کی۔