پاکستانی معروف اداکارہ سحر خان نے ہردلعزیز اداکار فیصل قریشی سے پہلی اپنی پہلی ملاقات کا احوال بتادیا۔

ڈرامہ سیریل ’’فرق‘‘  میں فیصل قریشی کے ہمراہ اداکاری کے جوہر دکھانے والی اداکارہ  سحر خان نے  ایک انٹرویو میں بتایا کہ ’فیصل قریشی ان اداکاروں میں سے ہیں جن کے ڈرامے دیکھتے دیکھتے ہم بڑے ہوئے ہیں، ایک کمال ایکٹر کے ساتھ وہ ایک اچھے انسان بھی ہیں، ان کے دوستانہ رویے کی وجہ سے ساتھ کام کرنا ایک تجربہ ثابت ہوا۔ 

اداکارہ نے کہا کہ ’فیصل قریشی انڈسٹری کے بڑے ناموں میں شامل ہیں لیکن انہوں نے سیٹ پر سینئر ہو کر کوئی بلاجواز غصہ نہیں دکھایا بلکہ اکثر وہ مجھے چھیڑتے تھے کہ تم بہت بولتی ہو۔‘ 

سحر خان نے بتایا کہ ان کی فیصل قریشی سے پہلی ملاقات ایک شو پر ہوئی تھی، شاید اس دن پاکستان ٹیم کا میچ تھا اور وہ بیک اسٹیج دعا کر رہے تھے، اسٹیج کے پیچھے سب رو رہے تھے لیکن جب شو اسٹارٹ ہوا تو سب کے چہروں پر مسکراہٹ تھی۔

فیصل قریشی اور درِ فشاں اب ساتھ ساتھ

پاکستانی معروف اداکار فیصل قریشی اور نئی ابھرتی اداکارہ درِ فشاں سلیم کے ایک ساتھ...

ان کا کہنا تھا کہ  ’وہ کوئی بھی کردار کرنے سے پہلے سوچتی نہیں ہیں کہ سامنے کون سینئر اداکار ہے بلکہ وہ اپنے کردار کو اچھے طریقے سے نبھانے کو ترجیح دیتی ہیں، چاہے سامنے کوئی بھی ہو اور شاید یہ ہی وجہ ہے کہ وہ فیصل قریشی کے ساتھ کام کرتے ہوئے نہیں گھبرائیں۔ 

واضح رہے کہ اداکارہ سحر خان ڈرامہ سیریل ’فرق‘ سے قبل ہرپل جیو پر نشر ہونے والے ڈرامے زخم، فاسق اور رنگ محل میں بھی اپنی شاندار اداکاری کے جوہر دکھا چکی ہیں۔