بھارتی ٹینس اسٹار ثانیہ مرزا نے اپنی دلکش ویسٹرن لُکس کی تصاویر سوشل میڈیا کی زینت بنا کر فینز کو متوجہ کرلیا۔

ثانیہ مرزا جنہوں نے ٹینس کورٹ میں ‏شاندار پرفارمنس سے عالمی سطح پر اپنی پہچان بنائی۔ انہوں نے اپنے ‏‏20 سالہ شاندار ٹینس کریئر میں خواتین کے ڈبلز میں عالمی ریکنگ ‏میں نمبر ون پوزیشن حاصل کرنے سمیت 6 بڑے ٹائٹلز اور متعدد ‏اعزازات اپنے نام کیے اور خوب دولت و شہرت حاصل کی۔

ثانیہ مرزا نے بیٹے کی سالگرہ پہلی مرتبہ شعیب ملک کے بغیر منالی

اذہان مرزا ملک کی سالگرہ، شعیب ملک منظر سے غائب

ثانیہ مرزا نے بھارت کا نام ٹینس کی دنیا میں روشن کروانے میں کوئی کسر نہیں چھوڑی اور اپنے کریئر کے عروج پر ہی 2023 میں ریٹائرمنٹ کا اعلان کردیا۔

ثانیہ مرزا کی ایک وجہئ شہرت پاکستانی کرکٹر شعیب ملک سے شادی اور پھر طلاق بھی رہی ہے لیکن وہ زندگی میں آنے والی مشکلات کا ڈٹ کر مقابلہ کرنے کا ہنر جانتی ہیں اس لیے طلاق کے بعد بھی اپنے بیٹے کے ساتھ خوشگوار زندگی جیتی نظر آتی ہیں۔

ثانیہ مرزا فوٹو اینڈ ویڈیو شیئرنگ ایپ انسٹاگرام پر اپنی لائیف اپڈیٹ دیتی رہتی ہیں جن میں وہ اذہان، اپنی بہن انعم اور بھانجی دعا کے ساتھ زیادہ تر نظر آتی ہیں۔

ثانیہ مرزا نے انسٹاگرام پر نئی تصاویر شیئر کی ہیں جن میں وہ سیاہ ٹینک ٹاپ کے ساتھ چوڑے پائنچوں والا ٹراؤزر پہنی دکھیں۔

ثانیہ مرزا نے ٹینک ٹاپ پر سفید بٹن شرٹ جیکٹ کے اسٹائل میں پہنی اور اپنے لُک کو دلکش بنایا۔

ثانیہ مرزا نے اپنے لُک کو مکمل کرتے ہوئے آنکھوں پر سیاہ گوگلز، کانوں میں سنہری بالیاں، ہاتھوں میں بینگلز، گھڑی اور بریسلیٹ پہنے  اور زلفوں کو جوڑے میں باندھنے کے علاوہ ہاتھ میں ایک سیاہ چھوٹا ہینڈ بیگ پکڑا۔

ثانیہ مرزا نے زندگی کی لمبی کہانی مختصر کر کے دکھادی

ثانیہ مرزا کی زندگی میں کیا چل رہا؟

ثانیہ مرزا ان تمام تصاویر میں پوز دیتے ہوئے کھلکھلا کر ہنستی نظر آئیں اور اپنے اعتماد اور اسٹائل سے سب کو اپنا گرویدہ بنالیا۔

اس پوسٹ کے کمنٹ سیکشن میں ثانیہ مرزا کے فینز انکی کھل کر تعریف کرتے دکھ رہے ہیں اور انکے اسٹائل کے علاوہ انکی مسکراہٹ پر بھی دل ہارتے دکھ رہے ہیں۔

تصاویر یہاں دیکھیں: