عید الاضحیٰ کی آمد ہے آمد ہے اور پاکستان کے گلی محلوں میں قربانی کے لیے لائے گئے جانوروں کی وجہ سے رونق لگ چکی ہے۔

جہاں جانوروں سے پیار کرنے والے قربانی کے دنوں میں ان کا بھرپور خیال رکھتے ہیں وہیں انہیں دیکھنے کے لیے آنے والے شوقین افراد کی تعداد بھی کم نہیں ہوتی۔

پاکستان میں ذوالحج کا چاند نظر آگیا

سعودی عرب میں عید 6 بروز جمعہ منائی جائے گی۔

تاہم  بعض اوقات قربانی کے لیے لائے جانے والے جانور انجان ماحول کو دیکھ کر بدک جاتے ہیں اور فرار ہوجاتے ہیں جس کے بعد بڑے جتن کے ساتھ انہیں پکڑا جاتا ہے، سوشل میڈیا کے دور میں اب جانوروں کے بھاگنے کی ویڈیو وائرل ہونا عام سی بات بن گئی ہے۔

ایسی ہی صورتحال کا سامنا معروف پاکستانی اداکار منیب بٹ کو بھی کرنا پڑا جب ان کا قربانی کے لیے لایا گیا اونٹ بھاگ گیا اور ویڈیو سوشل میڈیا پر وائرل ہوگئی۔

انسٹاگرام پر پوسٹ کردہ ویڈیو میں دیکھا جاسکتا ہے کہ رنگ برنگی آرائشی اشیا سے سجا اونٹ ایک محلے سے خراماں خراماں فرار ہورہا ہے جب کے آس پاس موجود نوجوان اور بچے اس سے خوفزدہ ہو کر دور ہوتے دکھائی دیے۔

تصاویر: شوبز جوڑوں نے عید الاضحٰٰی کیسے منائی؟

آپ کے پسندیدہ ستاروں نے عید الاضحیٰ کیسے منائی؟

اس ویڈیو کے سامنے آنے پر اداکار منال خان نے اپنی اسٹوری میں اسے شیئر کر کے اپنے بہن اور بہنوئی یعنی ایمن خان اور منیب بٹ کو ٹیگ کر کے کہا کہ 'آپ کا اونٹ وائرل ہوگیا ہے'۔

بعدازاں منیب بٹ نے بھی اس واقعے پر اسٹوری شیئر کر کے تصدیق کی کہ ان کا اونٹ فرار ہوگیا تھا۔

اداکار نے اپنی انسٹاگرام اسٹوری میں اونٹ کے بھاگنے کی ویڈیو شیئر کر کے لکھا کہ 'ہاں یہ واقعہ کل پیش آیا تھا'۔

ساتھ ہی اداکار نے یہ بھی بتایا کہ 'سی سی ٹی وی فوٹیج کا جائزہ لیا تو معلوم ہوا کہ کچھ بچے اس بچارے جانور پر چھوٹے پتھر پھینک رہے تھے، جس پر وہ گھبرا کر اپنی رسی تڑوا کر بھاگ گیا'۔

اس کے علاوہ اداکار نے والدین سے اپیل بھی کی کہ 'اپنے بچوں کو سمجھائیں کہ قربانی کے لیے لائے گئے جانوروں کے ساتھ کس طرح کا سلوک کیا جاتا ہے'۔

خیال رہے کہ پاکستان میں عید الاضحیٰ 7 جون بروز ہفتہ منائی جائے گی۔