معروف اداکار و ہدایت کار یاسر حسین  کا کہنا ہے انہیں بچوں کا بے حد شوق ہے اور وہ خود بھی 12 بچوں کے خواہشمند ہیں۔

اگرچہ یاسر حسین اپنے کئی بیانات کی وجہ سے مختلف تنازعات کو بھی دعوت دے چکے ہیں لیکن اس کے باوجود وہ کھل کر اپنی رائے کا اظہار کرنے سے کبھی نہیں چوکتے۔

ایسا ہی ایک بیان انکا حال ہی میں سننے کو ملا جب انہوں نےکھلے دل کیساتھ بہت سارے بچوں کی خواہش کا اظہار کیا۔حالانکہ وہ خود فی الحال ایک بیٹے کبیر کے والد ہیں لیکن وہ چاہتے ہیں کہ مستقبل میں انکے بہت سارے بچے ہوں۔

اقراء عزیز اور یاسر حسین کی نتھیا گلی میں موج مستی

گرمی کا زور بڑھتے ہی لوگ ٹھنڈی جگہیں تلاش کرنے لگے

جیو نیوز کے پروگرام ’ہنسنا منع ہے’ میں بطور مہمان شرکت کے دوران یاسر حسین نے دلچسپ موضوعات پر کھل کر اظہار رائے دی۔

انہوں نے بڑے خاندان اور زیادہ بچوں سے متعلق اپنی پسندیدگی ظاہر کرتے ہوئے بتایا کہ وہ خود ایک بڑے خاندان سے تعلق رکھتے ہیں ان کے 11 بہن بھائی ہیں جنہوں نے محنت سے اپنی زندگی میں کامیابی حاصل کی۔

یاسر حسین بتاتے ہیں کہ ہم بھی بہت سارے بہن بھائی ہیں اور اسکے باوجود ایک چھوٹے سے گھر میں ہنسی خوشی اپنی زندگی گزاری ہے۔

انہوں نے  آج کے دور میں 12 بچوں کی بات پر اپنا نقطہ نظر دیتے ہوئے یہ بھی  اگر آپ صحیح وقت اور تعلیم ہر بچے کو دیں، تو بڑے خاندان میں بھی تربیت ممکن ہے۔

انہوں نے مزید کہا کہ وہ آج بھی کئی ایسے لوگوں کو جانتے ہیں جو بڑے خاندانوں کو بہت اچھے طریقے سے سنبھال رہے ہیں، اسی بات پر جب ان سے پوچھا گیا کہ کیا وہ خود بھی زیادہ بچوں کے خواہشمند ہیں تو جواب میں تو یاسر نے کہا کہ اگر ان کے زیادہ بچے ہوں تو انہیں کوئی مسئلہ نہیں، بلکہ وہ چاہیں گے کہ ان کے کئی بچے ہوں۔’

یاسر حسین نے بچوں سے اپنی محبت کا اظہار کرتے ہوئے کہا کہ وہ بچوں کے بہت شوقین ہیں اور جب میزبان تابش ہاشمی نے ان سے پوچھا کہ کیا وہ 12 بچوں کے خواہشمند ہیں، تو یاسر نے خوش ہو کر کہا کہ،’آپ کے منہ میں گھی شکر!’

یاد رہے کہ یاسر حسین نے دسمبر 2019 ء میں خود سے 11 سال چھوٹی اداکارہ اقراء عزیز سے شادی کی تھی۔ دونوں کے درمیان 2018 ء میں تعلقات استوار ہوئے تھے اور ان کے ہاں شادی کے ڈیڑھ سال بعد جولائی 2021 میں بیٹے کبیر حسین کی پیدائش ہوئی تھی۔