بالی وڈ کے خوبرو اداکار کارتک آریان کی جانب سے حال ہی میں اپنے فضائی سفر کی جاری کی جانے والی ایئر ہوسٹس کی ویڈیو اس وقت مداحوں کی توجہ کا مرکز بنی جب پرستاروں نے نوٹس کیا کہ ایئر ہوسٹس بالکل اداکارہ ودیا بالن جیسی ہیں۔

کارتک آریان کو اچانک ’منجولیکا‘ مل گئی

کارتک آریان یورپی ملک کروشیا کی جانب سفر کررہے تھے

ہوا کچھ یوں کہ کارتک آریان  نے فوٹ اینڈ ویڈیو شیئرنگ ایپ انسٹاگرام کا رخ کرتے ہوئے  اپنی فیڈ پر  پرواز کی ایک مزاحیہ ویڈیو شیئر کی جہاں انہیں ایک ایئر ہوسٹس ملی جو نام، آواز اور  ہنسی تینوں چیزوں میں وِدیا بالن سے غیر معمولی مشابہت رکھتی تھی۔

 اس لمحے کا فائدہ اٹھاتے ہوئے کارتک نے کیمرے آن کیا اور کہا ‘ہائے وِدیا، لانگ ٹائم نو سی۔ ہائے دِس اِز کارتک‘۔

کارتک آریان کا جملہ مکمل ہونے کے بعد  پر کیمرے کا رخ پلٹنے کے بعد فریم میں نظر آنے والی ایئر ہوسٹس جو ہوبہو ودیا بالن کی کاپی تھیں انہوں نے اسی انداز میں جواب دیا ‘ہائے وِدیا، دِس از یہ وِدیا ‘۔

یہ ویڈیو سوشل میڈیا پر تیزی سے وائرل ہوگئی جو کے کمنٹ سیکشن میں صارفین اداکارہ ودیا بالن کی ہمشکل ایئر ہوسٹس کو دیکھ کر حیرت میں نظر آئے تاہم اصلی مزہ اس وقت آیاجب اداکارہ  وِدیا بالن نے اس ویڈیو پر کمنٹ کیا۔

کارتک آریان کی ویڈیو کو اپنی انسٹاگرام اسٹوری پر شیئر کرتے ہوئے اداکارہ ودیا بالن نے اپنے  مشہور ڈائیلاگ میں جواب دیتے ہوئے لکھا کہ ‘بچ کے رہنا روح بابا (فلم بھول بھلیا میں کارتک کے کردار کا نام)، میں آپ کو ہر جگہ ملوں گی‘۔

ودیا بالن کے آئیکونک کرداروں کا تفصیلی جائرہ

ودیا بالن کے مشہور کردار: ایک تفصیلی جائزہ

واضح رہے کہ یہ جملہ اداکارہ ودیا بالن کی جانب سے فلم 'بھول بھلیا 3' میں نبھائے جانے والے  منجولیکا کے افسانوی کردار کا ایک خوفناک اور بالکل مزاحیہ حوالہ تھا تاہم مداح اس دونوں اسٹارز کی اس مزاحیہ نوک جھونک سے بے حد لطف اندوز ہورہے ہیں۔

کام کے محاذ پر

کارتک آریان اس وقت متعدد فلمی منصوبوں پر کام کررہے ہیں جن میں رومانوی کامیڈی فلم بھی ’تو میری میں تیرا، میں تیرا تو میری‘ شامل ہے۔

 اس فلم میں کارتک کے ساتھ اننیا پانڈے اسکرین شیئر کرتی نظر آئیں گی  بھارتی میڈیا رپورٹس کے مطابق میکرز کی جانب سے  فلم کو اگلے سال ویلنٹائن ڈے پر ریلیز کرنے کا منصوبہ بنایا گیا ہے۔

شری لیلا اور کارتک آریان کی بائیک رائیڈ ویڈیو وائرل

فلم کی ریلیز دیوالی میں متوقع، بھارتی میڈیا

اس کے علاوہ کارتک فلم  ’عاشقی3‘ میں بھی کام کررہے ہیں جو پچھلی دو فلموں ’عاشقی‘ اور ’عاشقی 2‘ کا تیسرا حصہ ہے، اس فلم کی شوٹنگ رواں سال جنوری میں شروع ہوچکی ہے۔

کارتک کا تیسرا فلمی پروجیکٹ ’ناگزیلا: ناگ لوک کا پہلا کانڈ‘ ایک نادیدہ مخلوق پر مبنی کامیڈی فلم ہے جس میں کارتک آریان مرکزی کردار ادا کر رہے ہیں، فلم 14 اگست 2026 کو ریلیز ہوگی۔