عالمی شہرت یافتہ اداکار اور مارشل آرٹس کے ماہر جیکی چن نے اپنی ذاتی زندگی سے متعلق ایک حیران کن انکشاف کیا ہے۔

71 سالہ اداکار نے حال ہی میں میں 'پیپل میگزین' کو دیے گئے ایک انٹرویو میں اپنی زندگی کے اس پوشیدہ پہلو سے پردہ اٹھایا۔

جیکی چن کی دولت بیٹے کو نہیں ملے گی تو کہاں جائے گی؟

اداکار جیکی چن عمر کے اس حصے میں بھی دنیا کے چند سب سے زیادہ کمانے والے اداکاروں...

انہوں نے بتایا کہ ان کے والد، چارلس، نے طویل عرصے تک یہ راز اُن سے چھپائے رکھا کہ وہ دراصل ایک جاسوس تھے اور یہ حقیقت انہیں اس وقت معلوم ہوئی جب وہ 40 سال کی عمر کو پہنچ چکے تھے۔

جیکی چن نے بتایا کہ 'ایک دن میں گاڑی چلا رہا تھا، میرے والد میرے ساتھ بیٹھے تھے، اچانک انہوں نے کہا کہ 'بیٹا، میں بوڑھا ہو چکا ہوں، ہو سکتا ہے کہ ایک دن ایسی نیند آئے کہ دوبارہ کبھی نہ جاگوں، میرا ایک راز ہے جو تمہیں بتانا چاہتا ہوں، تمہارا اصل نام جیکی چن نہیں، بلکہ جیکی فینگ ہے'۔

اداکار نے اعتراف کیا کہ یہ انکشاف ان کے لیے شدید حیرت کا باعث بنا اور وہ ابتدا میں اپنے والد کی وضاحت بھی سمجھ نہ سکے۔

ایشوریا نے جیکی چن کے ساتھ فلم کی آفر کیوں ٹھکرائی؟

اداکارہ کو ہالی وڈ بلاک بسٹر رش آور کی پیشکش کی گئی تھی۔

یاد رہے کہ 2003 میں جیکی چن نے ایک دستاویزی فلم Traces of the Dragon: Jackie Chan and His Lost Family بنوائی، جس میں ان کے والد کی زندگی کے اس خفیہ باب کو تفصیل سے دکھایا گیا۔

فلم میں بتایا گیا کہ جیکی چن کے والد 'چارلس' 1940 کی دہائی میں چینی خانہ جنگی کے دوران حکومت کے لیے جاسوسی کرتے رہے۔

اسی فلم میں یہ انکشاف بھی کیا گیا کہ جیکی چن کی والدہ لی-لی افیون اسمگلنگ اور جوئے کے دھندوں میں ملوث رہ چکی تھیں۔

ہالی ووڈ میں جیکی چن کا سفر

جیکی چن کو 1995 میں فلم Rumble in the Bronx کے ذریعے ہالی وڈ میں قدم رکھنے کا موقع ملا، تاہم 1998 کی فلمRush Hour نے ان کی عالمی شہرت کو پر لگا دیے، جس میں ان کے ساتھ اداکار کرس ٹَکَر نے مرکزی کردار نبھایا۔

آریان خان جیکی چن کے ہمشکل، شاہ رخ خان کا تہلکہ خیز بیان

کنگ خان نے نیا سنگ میل عبور کرلیا

حال ہی میں جیکی چن نے مشہور فلم سیریز Karate Kid کی نئی فلم Karate Kid: Legends میں واپسی کی ہے، جس میں وہ ایک بار پھر 'مسٹر ہان' کے کردار میں جلوہ گر ہوئے ہیں، جبکہ رالف میکیو نے 'ڈینیئل لاروسو' کا کردار دوبارہ نبھایا ہے۔

فلم میں ایک نئے نوجوان مارشل آرٹس کے طالب علم کی کہانی کو دکھایا گیا ہے، جسے جیکی چن اور رالف میکیو تربیت دیتے ہیں۔

حال ہی میں ریلزی ہونے والی اس فلم کو فلمی شائقین کی جانب سے خوب سراہا جا رہا ہے۔