انفوٹینمنٹ

کرن اشفاق نے 15 کلو وزن کیسے کم کیا؟

کرن اشفاق نے 2018 میں اداکار عمران اشرف سے شادی کی تھی

Web Desk

12 months ago

کرن اشفاق نے 15 کلو وزن کیسے کم کیا؟

کرن اشفاق نے 2018 میں اداکار عمران اشرف سے شادی کی تھی

اداکارہ اور ماڈل کرن اشفاق نے انکشاف کیا ہے کہ انہوں نے بیٹی کی پیدائش کے بعد 15 کلوگرام وزن کم کیا ، اور یہ سفر صرف ظاہری تبدیلی کے لیے نہیں بلکہ زندگی کو بھرپور اور متحرک انداز میں جینے کے لیے اختیار کیا گیا۔

کرن اشفاق نے فوٹو اور ویڈیو شیئرنگ پلیٹ فارم انسٹاگرام پر جم میں ورزش کرتے ہوئے ایک ویڈیو پوسٹ کی۔

ویڈیو کے کیپشن میں انہوں نے لکھا کہ میں نے یہ وزن اس لیے کم نہیں کیا کہ میں ویسی ہی نظر آؤں جیسی پہلے تھی، بلکہ اس لیے تاکہ میں جسمانی طور پر مضبوط بن سکوں، اپنی روزمرہ زندگی بہتر انداز میں گزار سکوں اور اپنے بچوں کے ساتھ بھرپور وقت گزار سکوں۔

اداکارہ نے ساتھ ہی اپنے فٹنس کوچ کا خصوصی شکریہ ادا کیا جن کی حوصلہ افزائی اور رہنمائی نے اس سفر کو ممکن بنایا۔

یاد رہے کہ کرن اشفاق نے 2018 میں اداکار عمران اشرف سے شادی کی تھی، جن سے ان کا ایک بیٹا روحان ہے۔ 2022 میں دونوں نے علیحدگی اختیار کی۔ بعد ازاں 2023 میں کرن نے سیاستدان حمزہ علی چوہدری سے دوسری شادی کی، اور اکتوبر 2023 میں ان کے ہاں بیٹی کی پیدائش ہوئی۔

کرن اشفاق کی فٹنس جرنی ان تمام خواتین کے لیے ایک مثبت پیغام ہے جو زچگی کے بعد جسمانی اور ذہنی تبدیلیوں سے گزرتی ہیں یہ سفر صرف وزن کم کرنے کا نہیں، بلکہ خود کو دوبارہ دریافت کرنے کا ہوتا ہے۔